DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us
Red Chilli
 

Red Chilli

Red Chilli is a very common spice, which is used in every cuisine. Red Chilli cultivated in Tharparkar, Pakistan. It has many different shapes, such as thick, thin, long, short, round. Red Chilli known as cayenne in English and capsicum annum is a scientific name. It is used as a medicine also. Red Chilli increases the duration of blood. It has more than 90 kinds. America is a real country of Red Chilli. It is very famous in hot atmosphere countries. We gave you some simple tips from Red Chilli. In this page you can see the information about Red Chilli in Urdu and Roman Hindi.

Red Chilli In Urdu:
 
Shayad he koi ghar ho jis mein surkh mirch istemal na hui ho. Barre sagheer pak o hind ke khano mein ise ba kasrat istemal kiya jata hai, kahin kam kahin ziyada. Waise duniya mein mirchein sab se ziyada china mein khai jati hain. Pakistan mein Tharparkar ke wasee area mein is ki kaasht hoti hai. Yeh mukhtalif shakal o soorat mein milti hai. Kahin lambi, kahin moti aur kahin gol. In mein chirchirapan ya tezi bhi iqsaam ke lihaaz se kam aur ziyada hoti hai. Pakistan mein sab se pheeki mirch paharhi ya shimla mirch hoti hai jo sabz ke ilawa surkh o zard rang ki bhi hoti hai, lekin dukano par sabz he ziyada nazar aati hai.
Mirch ki tamam iqsaam ka asal watan America ka wasee neem istewai ilaqa hai. America ke asal bashinde yani surkh hindi, 5 hazar saal qabal maseeh se apne khano mein surkh mirch istemal kar rahe hain. Isi tarah Hindustan, china, Indonesia aur South Africa mein bhi yeh masale ke taur par saddiyon se istemal ho rahi hai. Is se pehle siyah mirch ka istemal pak o hind South Africa ke ilawa Europe waghera mein bhi hota hai. Yaha tak ke Portuguese mohim jo jab Hindustan ke bajae junobi America pohanche to wahan aur bhi bohat se ashiya ke ilawa surkh mirch ka bhi inhe ilm hua aur is tarah wo mashraqi mulkon mein ise mutarrif karte chale gae. Yeh barre sagheer pak o hind mein 1611 mein pohanchi aur is tarah is ki mukhtalif iqsaam bhi janam leti rahin, chunache is ki 90 se ziyada iqsaam batai jati hain.
 
Red Chilli English mein cayenne aur botanical mein capsicum annum kehlati hai. Istewai aur neem istewai aab o hawa ke mulkon mein ise khano ki tayyari mein mukhtalif andaaz mein istemal kiya jata hai. Aaj hum is ke bagher ziaqedar dishes ya khano ki tayyari ka tassawur nahi kar sakte. Khano ke ilawa surkh mirch, dawai aur shifaai maqasid ke liye bhi istemal ki jati hai.
Shumali hind mein delhi ke barey mein mashoor hai ke wahan mirchien bohat istemal hoti hai. Riwayat hai ke shah jahan ke aehad mein jab shehriyon ko paani ki farahmi ke liye jamuna se nehar nikaal kar delhi laai gai to shahi tabeeb ne ise delhi walon ki sehat ke liye muzir qarar diya. Badshah ko bataya gaya ke is se sardi ke amraaz aur nazle zukaam ki shikayat barh jaegi. Badshah he ke daryaft karne par shahi tabeeb ne shehriyon ko khane mein mirch ki miqdar barha dene ka mashwara dia. Delhi ki mashoor nihari jo maazi mein sirf jarhon mein khaai jati thi. Bohat taiz aur chatpati hoti thi. Sardiyon mein ziyada mirch khane wali nehari se nazla khoob behta tha aur band naak aur gala khul jate the.
 
China aur junobi America mein bhi surkh mirchein khoob khaai jati hain. Research aur study se yeh baat samne aai hai ke mirch na khane wale angrezon ke muqabley mein yahan ke logon ke lungs sputum waghera se saaf rehte hain. Mirch dauran e khoon aur hararat mein bhi izafa kar deti hai. Chon ke khoon ka dauran jild ki taraf ho jata hai. Is se paseena aa kar garmi ka ehsaas kam ho jata hai. Ghaliban yehi wajah hai ke mirch garam aab o hawa ke mulkon mein bohat ziyada maqbool hai.
 
Yahan motapa kam karne ke khuwahishmand afraad ke liye yeh batana dilchaspi ka baiys hoga ke Red Chilli ke istemal se jism ke hazam o jazb metabolism ki salahiyat aarzi taur par tez ho jati hai. Izafa ki sharah 25 % hoti hai. England ke oxford poly technique ke researchers ke mutabiq 6 gram Red Chilli ke istemal se 45 se 76 zaiyd Harare jism mein jal jate hai. Yehi asar raai ke khane se bhi hota hai. Lekin adrak se istehale ka yeh amal waqey nahi hota. Red Chilli tawanaai barhane ki taseer bhi rakhti hai. Is ke istemal se adrenal gland ko tehreek milti hai. Jis se jism mein cortisone tayyar hota hai. Hindustan ke bil khusoos maghrabi maghrabi soobey Maharashtra ke dehi kohistani ilaqon mein dard aur chot ke maqam par ( zakham par nahi ) surkh mirch ka laip kar ke angaaron se sekaa jata hai. Yeh tariqa dard kam karne ke liye mufeed samjha jata hai. Research ke mutabiq darasal mirch ke is laip se ibteda mein jalan to hoti hai. Lekin is ki wajah se jism mein rahat aur araam pohanchane wala juz endorphin ziyad tayyar ho kar dard ki tees kam kar deta hai.
 
Taza research se zahir hota hai ke darasal ( P ) naami ek chemical compound ke aesaabi saron se markazi nizaam e aesaab tak dard ke peghamaat pohanchata hai. Experience se yeh baat sabit hui hai ke namely ke dard mein mubtila 75 % afraad ko Red Chilli ke laip se araam mila. Sirf kabhi kabhar jalan ka ehsaas zaroor hua. Ab mirch ke johar par mushtamil cream ke lagane se diabetes k un mareezon ko bhi faida pohancha, jin ke aesaab diabetes ki wajah se tabah ho gae the. Is tarah soryasas ke patient ke dard mein bhi afaqa hua.
 
Red Chilli kam miqdar mein istemal karne se blood pressure bhi kam hota hai aur jism se bohat ziyada miqdar mein behte khoon ko bhi rokti hai. Is tarah aam khayal ke barkhilaaf new Delhi k ek hospital mein ulcer ke patients ko mirch ke istemal se nuqsan ke bajae faida hua. Rozana half tea spoon Red Chillika safoof khane se 4 weeks mein ulcer mandmal ho gaya. Jab ke is se parhaiz karne wale patients mein yeh faida nahi dekha gaya.
 
Red Chilli ki wajah se jild mein bohat qawi qisam ka alqali radde amal paida hota hai. Jis ke natijey mein shadeed dard aur takleef hoti hai. Chakkar aate hain aur nabz ki rafter barh jati hai.
 
Chicago university ki research ke mutabiq mirchon ko chand ghanton tak vinegar mein bhigo kar istemal karne se in ki jalan kam ho jati hai, isi tarah mirchon ke stah butter, oil khane se bhi jalan kam ho jati hai. Yehi wajah hai ke barre sagheer pak o hind mein tez salano mein ghee ziyada dala jata hai. Jab ke junoob mein yeh tezi turshi se mutaddil kar li jati hai.
Read more related article >>










Copyright 2014 www.desitreatments.com