DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us
Fenugreek Benefits
 

Fenugreek Benefits In Urdu

Fenugreek is a seed and it is a green vegetable also. Fenugreek is very useful and beneficial for us. Here we are talking about the advantages of Fenugreek. It is very aromatic and delicious vegetable. The seeds of Fenugreek used as a spice also. It is use in different cuisines with other spices. Fenugreek makes the food very delicious and tasty. We can eat Fenugreek with potato, mince and different vegetables. It is very famous for its medicated advantages. We can make paste of seeds of Fenugreek and use as like shampoo and mask for face skin. The oil of Fenugreek is used in some medicines. Fenugreek is very useful for diabetes, blood piles, swelling and itching of throat, cough, digestion, uterus problem. It is very important as like a spice and medicine. We can use fenugreek in dry form also. In this page you can see (Methi Ke Fayde, fenugreek ke fayde) Fenugreek benefits in urdu.

Methi In Urdu (Fenugreek In Urdu)

Barr e sagheer mein mushkil he se koi khana aisa hoga, jo masalon ke bina tayyar ho jae. Masaleh khane ko na sirf zaiqedaar banate hain, bal ke hazam karne mein bhi madad karte hain. Albatta yeh baat yaad rakhni chahiye ke masaley aitedaal ke sath khae jae to muzir sehat nahi, lekin agar ghiza mein chiknaai ke sath masalon ki bharmaar kar di jae to in se nuqsaan pohanch sakta hai.
Hamare khano ki tayyari mein jo masale taqriban daily he istemal hote hain, un mein Methi yani Fenugreek bhi shamil hai. Shuru shuru mein methi un areas mein paai jati thi, jo Bahria Rome ke aas paas waqey hain, lekin yeh Hindustan ke shumali areas mein bhi thi. Methi khane ko lazzat to bakhshti hai, lekin is ke mutaddid tibbi fawaid bhi hain, jin ka aam taur par logon ko ilm nahi hai.

Methi Ke Fayde ((Fenugreek Benefits In Urdu)

Methi (Fenugreek) ko potato, moong ki daal aur qeemey ke sath pakaya jae to khane ka zaiqa dobala ho jata hai aur methi ke safoof ki wajah se salan, chatni aur sauce ka mazah barh jata hai. Methi (Fenugreek) ki khichdi bhi jarhe ke dino mein bohat he mazaidar lagti hai.

 
Methi (Fenugreek) apne tibbi fawaid ke liye bhi bohat famous hai aur baaz deegar tibbi khusosiyat wali ashiya ke sath mila kar istemal karne se pechish, ishaal aur uphare mein afaqey ka baiys banti hai.

 
Fenugreek ke seeds khansi ke zariye se sputum ke ikhraaj mein madad dete hain. Yeh seeds peshab aawar hote hain, naiz khansi aur khooni piles ke ilaaj ke liye bhi faidemand hote hain. Yeh soozish dehan ke liye bhi mufeed hain. Methi (Fenugreek)  ki pattiyon aur seeds ko josh de kar wo pani piya jae to halaq ki soozish ko araam milta hai. Fenugreek ke seeds ke paste ko shampoo ke taur par istemal karne se baal sehatmand rehte hain aur qabal az waqt girte nahi. Is paste ko face par lagane se skin saaf aur naram rehti hai. Doodh pilane wali khuwateen Fenugreek ke seeds istemal karen to doodh ziyada paida hota hai.

 
Fenugreek ka safoof is dawaon ka aeham hissa hota hai, jo bad hazmi aur dard e shikam ke ilaaj ke liye tayyar ki jati hai. Atbaa methi ke beej ghattiya, diabetes aur mardana kamzori ke ilaaj ke liye bhi istemal kiye jate hain.
Fenugreek ka roghan bhi medicines mein use kiya jata hai. Naiz medicines ke godamon mein ghalle ko keerhe se bachane ke liye methi ki khushk pattiyan kargar hoti hain. Is ka aik juzoo daanton mein keerha lagne se bhi mehfooz rakhta hai. Log maweshiyon ki ghiza mein bhi aksar methi ke seeds milate hain, taa ke wo ziyada doodh den.
Aap ne andaza lagaya hoga ke aik masaley aur aik medicine ke taur par Fenugreek kis qadar aehmiyat ki hamil hai. Kya ajab ke mustaqbil mein mazeed research is ke aur fawaid bhi farahum kar de.
Read more related article >>










Copyright 2014 www.desitreatments.com