DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us
Benefits of Black Pepper
 

Benefits of Black pepper

Black pepper is a hot spice. It has black in color and hot and dry in nature. Black pepper used for the taste and aroma in different cuisines. We can use black pepper in powder form also. In this page we gave you some simple and home cure treatments, but kindly take advice to your doctor first. Black pepper is very useful for hemiplegic, cough and catarrh. It is a best medicine for hemiplegic. We can take the powder of black pepper with honey for highly cough and sore throat. In this page you can see the information and Benefits of black pepper , benefits of Black pepper in Urdu, Kali Mirch ke fawaid, Siya mirch in Urdu and roman Hindi.

 

Benefits of Black Pepper In Urdu ( Kali Mirch Ke Fawaid)

 

Kali mirch (black pepper) ka Rang siyah, zaiqa tez, chirpara aur sozanda. Mizaaj garam o khushk miqdar khuraak 3 ratti se derh masha tak.

Kali mirch (black pepper) abhi sabz se laal hone he lagti hai ke ise torh kar sukha lete hain. khusk hone par yeh siyah ho jati hai. Agar ise pakne diya jae to is ki tezi mein farq aa jata hai.

 

Afa’aal o Istemal :

 

Mohlil oraam o riyah. Jazib ratobat. Muslaah balgham. Maqwi hafza. Maqwi aesaab maida o jigar hai. Dil ki harkat ko tez karti hai. Zehar bazariya qey nikaalti hai. Dard danda’an ratobi. Amraaz o dimaghi aur sard amraaz mein mufeed hai. Is ka siyah chilka utaar diya jae to safaid mirch ban jati hai.

 

Akseer Amraaz Pait :

 

Siya mirch 2 tola cheeni ke bartan mein daal kar is par namak lahori 5 tola bareek pees kar dalen aur is par 5 tola acid gandhak aur 20 tola lemon juice daal kar cheeni ke dosre piyale se dhaanp kar rakh den. Jab tamam pani waghera mirchon ke andar he jazb ho jae aur mirchen bilkul khushk reh jae to sheeshi mein sambhal kar rakhen. Khana khan eke bad 5 se 7 mirchen khaya Karen. Yeh ghiza ko bakhobi hazam kar deti hai aur khane mein behad lazeez hoti hai. Is ke ilawa wo pait dard, rasoli, bhook na lagna waghera aur in jaisi shikayaton ke liye behad mufeed shey hai.

 

Mirch siya 8 adad, zara si misri aur dhai tola piyaz le len au rise bakhobi ghot len. Bareek ho jae to is mein pani mila kar pee len, haize ko afaqa ho ga.

 

Siya Mirch (black pepper) 2 tola aur 10 tola mandi boti len, ise cow ke doodh mein mila len. 6 – 6 masha mirgui yani epilepsy ke mareez ko khilae. Mirgui ka aarza khatam ho jaega.

 

Aqar qarha aur siyah mirch aik aik masha len aur pani mein ise pees len, 40 roz musalsal istemal karne se zabaan ki luknat khatam ho jati hai.

 

Kali mirch (black pepper) ko surma ki tarah bohat halki silaai se kam miqdar mein lagane se aankhon ka jala cut jata hai.

 

Siya mirch, Kali Mirch (black pepper) safaid mirch aur falfal daram yeh teeno ashiya hum wazan len. Inhe pees kar surma ki manind aankhon mein lagae. Aankhon ki jalan ka khatma ho jaega.

 

Wakhis aik shaded alamnaak waram hai jo ungliyon mein nakhuno ke atraaf mein hota hai. Baaz auqat is mein peep parh kar khoon bekaar ho jata hai. Is waram mein kali mirch aur zaft kas marham lagana takleef se nijaat deta hai.

 

Laqwe ke liye koi dawa is se barh kar nahi hai ke kali mirchon ko bareek pees kar kisi roghan mein mila kar maqam par laip kiya jae.

 

Sardi o zukaam ki khansi mein kali mirchen pees kar shehad mein mila kar chaatna bohat faidemand hai. Is se seena ka dard bhi jata rehta hai aur lungs se balgham jald kharij ho jata hai.

 

Jis murakkabat mein kali mirch (black Pepper) shamil ki jae, un ke istemal se bhook mein izafa hota hai. Chunache jawarish kamoni jo tib yunani ka aik famous murakkab hai, is ke khane se bhook barh jati hai aur khana hazam ho jata hai.

 

Jin logon ko qoolanj, balghami aarza ho un ke liye kali mirch (black Pepper) ka istemal behad zarori hai, is ke hamesha istemal karne se yeh aarza jata rehta hai.

 

Siya mirch (black Pepper) ko ghee mein ghis kar sunghane se aadha seesi ko araam ho jata hai. Siyah mirch (black Pepper) pees kar ghee mein mila len aur maqam par laip Karen, laqwa ke liye is se barh kar koi dawa nahi.

 

Read more related article >>










Copyright 2014 www.desitreatments.com