DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Hemicrania
 
Hemicrania In Urdu

Hemicrania (Dard e shaqiqa)

A Hemicrania is a special type of headache, who applies with attacks. Majority hemi crania affects on half head, right or left. Sometimes it affects on whole head. Hemicrania is a heritably disease. It affects on female mostly regards of male. It causes such as weakness, digestion problem, turbulence of blood, insomnia or sleeplessness, smell of fetid thing, watch radiant light. Before the attack of Hemicrania the body gets slack. In this topic we discussed about some medicines, but please kindly first to take advice to your Doctor, after that use any medicines according to your disease. In this page you can see the information about Hemicrania in Urdu ( Dard e Saqiqa) .

 

Dard e shaqiqa , Adhe Sar Ka Dard

 

Dard e shaqiqa khas qisam ka dard e sir hai, jo attacks ke sath hua karta hai. Yeh aksar adhe sar mein seedhi ya ulti taraf dard hota hai. Baaz auqat sare sar mein bhi ho jata hai. Jo aik taraf ziyada aur dosri taraf kam dard hua karta hai. Aksar patients mein is ka daura tuloo e aftab se shuru ho kar rafta rafta barhta hai aur zawal e aftab ke sath kam hone lagta hai. Ghuroob e aftab tak bilkul zaiyl ho jata hai aur baaz patients mein is ka attack dopehar ke lag bhag shuru ho kar zawal e aftaab ke sath sath barhta rehta hai, jo ke taqriban aadhi raat tak rehta hai.

 

Dard e shaqiqa marz aksar maurosi hota hai. Mardon ki nisbat aurton ko ziyada hota hai. Is ka asal sabab nazli ratobatein hoti hain, jo nazla zukaam ke ilaj mein ghalti hone aur bad parhezi karne se sir ki kisi aik janib band ho kar reh jati hain aur dard paida karti hain. Aam jismani kamzori, fasaad e khoon, bad hazmi, be khuwabi, kisi tez badbo wali chez ko soongna ya tez roshni ko baghaur dekhna. Adam pabandi, usool e hifzaan e sehat is ke asbaab hote hain. Aurton mein periods ka ba kasrat aana, aik arsey tak bache ko doodh pilana. Ikhtenaq ur reham aur deegar amraaz e reham is ka sabab hote hain. Dard e shaqiqa ka attack shuru hone se pehle tabiyat sust ho jati hai. Sir chakrana, aankhon ke saamne chingariyan si urhne lagti hain. Phir kanpati aur abro par dheema dheema dard hone lagta hai. Kanpati ki ragein tezi se tarapne lagti hain aur thori he dair mein dard shiddat ikhteyar kar leta hai. Dard ki shiddat se sir phatne lagta hai. Mareez ko koi bhi chez achi nahi lagti hai. Is ki shiddat 2 se 3 ghante rehti hai aur baaz auqat 24 ghante tak. Lekin gahe ba gahe 2, 3 din tak is ka attack rehta hai. Dard e shaqiqa ka attack taqriban 3, 4 week bad hua karta hai.

 

Dard e shaqiqa  Treatment (Hemicrania Treatment In Urdu)

 

1.    Spigelia :

Left aankh ka dard sooraj nikalne se shuru ho kar ghuroob e aftaab tak rehta hai. Dard ki shiddat se aankhen right left ghumana na mumkin hota hai. Is liye patients ko pora jism pherna parhta hai. Dard shor o ghul aur jhatke se barhta hai aura ankh se pani aansoun ki manind behta hai.

 

2.    Iris Veriscolor : Dard amoman attack jo right janib hota hai. Dard se pehle aankhon ke aage andhera chaa jata hai aur jou jou dard barhta jata hai. Andhera khatam hota jata hai. Jab dard shiddat ka hota hai to matli aur qey hoti hai.

 

3.    Kalmia : Right janib ka sir dard jo ke amoman dopehar ke waqt ziyada ho.

 

4.    Sanguinaria : Right janib ka attack sir dard jo guddi se shuru hota aur right aankh par aa kar thehar jata hai. Din bhar tez rehta hai, shaam ko khatam hota hai.

 

5.    Natrum Muriaticum : Sir dard right taraf aadhe sir mein jo subha taqriban 10 se 11 baje shuru hota hai aur sooraj ghuroob hone tak rehta hai.

 

Read more related article >>










Copyright 2014 www.desitreatments.com