DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Smoking and Cancer ( Tambako Noshi aur Sartan)
 
Smoking and Cancer Image In Urdu

Smoking  and Cancer (Tambako noshi aur sartan):


The most common cause of cancer in the world is smoking. For thoese who has adopted this habit has been long, their lungs have an increase risk of cancer. Smoking is the cause of heart diseases and stroke. Other diseases of the lungs arise from this habit, Including bronchitis or infection of the lungs. Half of the people addicted to smoking habit they have loss their lives. Eating and drinking tobacco cause lung cancer, mouth, thorat, airway, esophagus, liver, kidney, stomach, bladder and cervical cancer. Quit smoking is not easy but it is not impossible, that you may be successful after two or three attempts.

(Tambako noshi aur Sartan)

 

Duniya mein sartan ki sab se bari wajah Tambaku noshi hai. Jin logon ko ye adat ikhteyar keye howae lamba arsa ho gaya hai, in ke leye phepron ke sartan aur dosri qisam ke sartaon ka khatrah kafi barh chuka hai.

Tambako noshi (Smoking )sartan (cancer), marz e qalb aur falij ka sabab hoti hai. Is adat se phepron ki dosri bemariyan bhi paida hoti hain jin mein bronchitis ka phepron ka tadiya bhi shamil hai. Tambako noshi ke adi logon mein se adhe log is adat ki wajah se apni jan gawa bethe hain aur in mein se taqreban 50 fisad ese hote hain jo adher umar mein hi zindagi se hath dho bethte hain. Tambako noshi jis qadar ki jaye gi bemariyon ka amkan ussi qadar barhta jaye ga.

Tambako ko pene aur tambako ko khane se phepron ke sartan (cancer) ke elawa baz dosre sartan (cancer)bhi laqah ho jate hain jin mein muh, halaq, narkhare, ghiza ki nail, jigar, lablabe, gurde, mede, masane aur fam reham ke sartan shamil hain. Tambako noshi se kam khooni,lamfi ghodod ke sartan aur baz tarah ke aanton ke sartan ka imkan bhi paida ho jata hai. Dosron ki Tambako noshi se paida hone wala dhowan agar kisi ke sans ke sath us ke jism mein jayeto wo bhi bemari ka sabab ho sakta hai. Jo log ese logon ke sath rehte hain jin ki adaat mein Tambako noshi shamil hai, un ke sar par har waqat khatrah mandlata rehta hai. Bachon ke leye ye khatrah khososan ziyadah hota hai. Tambako noshi karne wale logon ke bachon ke leye bronchitis, dame, namoniya, gale, kan ke tadiye aur degar bemariyon ka khatrah ziyadah rehta hai.

Tambako mein taqreban 400 mukhtalif qism ke chemicals hote hain. Jin mein se aksar sameet ke hamil hote hain. Ye chemicals sartan za hote hain aur khaliyon ko nuqsan pohanchate hain. Tambako aur is ke dhoyein ke 3 ajza khas hote hain. In mein se aik nicotine hai. Tezi se kaam karne wala ye juz Tambako noshi ki talab paida karta hai aur Tambako noshi karne wale ko is ka adi banata hai. Dosra juz carbon dioxide hota hai. Ye zeharili gass sarat se khoon mein shamil ho kar oxygen ki farhami kam kar deti hai jis ki wajah se sans ki taqlef paida ho jati hai. Tesra juz tar hota hai. Siyah rang ka ye chamakne wala madah hazaron chemicals se bana hota hai aur ye Tambako noshi karne wale ke phepron meon beth jata hai aur sartan ka bais hota hai. Ye aik tarah ka baqaya (bacha howa) madah hota hai jo tambako ya dhoyein se bach rehta hai.

Baz logon ka khayal hai ke kam tar wale cigarette pene se kam nuqsan pohanchta hai, lekin haqiqat ye hai kam tar wale cigarette bhi taqreban isi qadar nuqsan dah hain, jis qadar ziyadah tar wale cigarette. Imkan ye hi hai ke kam tar ke cigarette pene walon ke sans ke sath taqreban itna hi tar, nicotine aur dosra sartan (cancer)za sami madah un ke jism mein pohanch jata hai jitna ke aam cigarette pene wale ke jism mein.

Cigarette mein pai jane wale dosre nuqsan dah chemicals ye hain, acetone, ammonia, arsine, benzene, cadmium, formal dehydrate.
Phepron ke sartan (cancer)ka pata bohat der se chalta hai. Agar kisi shakhas ko mandaja zeel alamaat mehsoso hon to usse bila takhir apne mualij se ruju karna chaheye musalsal khansi ya awaz ka bethna, kafi dinon se jo khansi chali aarahi hai is mein kuch tabdili paida ho jaye. Sans pholna shuru ho jaye, khansi mein khoon aane lage, sans lete ya khanste waqat dukhan ya sene mein dard mehsos hone lage, sene mein infection ho jaye jo kafi din tak theek na ho ye is mein afaqa na ho, kisi zahiri wajah ke baghir wazan kam hone lage ya bhook kam ho jaye.

Tambako pene ya khane se dosre tarah ke sartanon ka khatrah bhi barh jata hai. Jin ka zikar phele aachuka hai, lehaza ye baat aham hai ke alamaat zahir hote hi mualij se mashwarah kar leya jaye. Ho sakta hai ke ye alamaat sartan ke bais zahir na hoi hon phir bhi ahtiyat ke tor par mualij se mashware mein koi harj nahi.

Jo khawateen hamal ke dinon mein Tambaku noshi karti hain won a sirf apne leye khatrah paida karti hai, balke apne shikam mein parwarish pane wale bache ko bhi khatre se do char kar deti hain. Waqat se phele bache ki wiladat aur paidaish ke waqat bache ke wazan mein kami ki aik wajah ayam e hamal mein Tambaku noshi bhi hai.

Tambako noshi (Smoking )ki wjah se qowat e madami mein bhi naqais paida ho sakte hain aur mardon aur auraton donon mein ulad paida karne ki salahiyat mutasir ho sakti hai. Is ke elawa jild mutasir ho sakti hai jo jhuriyon ka sabab banti hai, sans mein badbo aane lagti hai aur danton par dhabe par jate hain. Agar aap foran Tambako noshi tark kar den to sartan aur dorri bemariyon ka khatrah bhi kam ho jaye ga. Ye na sochiye ke lambe arse Tambaku noshi karne ke bad is adat ko tark karne ka koi faidah nahi. Jab bhi Tambaku noshi tark ki jaye gi, is se faidah yaqenan zaroro ho ga. Tambaku noshi tark karne se sehat behtar ho gi aur sans kam phole ga aur pese ki bhi bachat ho gi.Tambaku noshi tark karna aasan nahi, lekin koshish Karen to ye kaam namumkin bhi nahi. Ho sakta hai aap ko do teen bar koshish ke bad kaamyabi ho.       
Read more related article >>










Copyright 2014 www.desitreatments.com