DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Oontni Ka Doodh
 

Milk of Dromedary (Oontni Ka Doodh)


Experts are researching in the milk of dromedary in Holland, which really it is very useful and healthy for us and can fight from many diseases. The milk of dromedary is the cure of all inner diseases almost. It has ability to removes the bacteria of body. In Ross and Kazakhstan many Doctors do advise to patient that must use the milk of dromedary for good health. In India, the people used this milk in daily routine. They said that, it is very useful for hepatitis, Asthma, TB, constipation problem and anemia. Frank Smith is invent the first machine in all over the whole World, we can procure the milk of dromedary very easily. In this page you can see the information about the Milk of Dromedary in urdu (oontni ka doodh).

Oontni ka doodh


Holland mein experts researches kar rahe hain ke tareekhi taur par faidemand samjha jane wala oontni ka doodh kya waqai kae bemariyon se larhne ki taseer rakhta hai. Misar mein island numa Sinai ke ilawa sehra e arab ke bad o zamana qadeem se yaqeen rakhte hain ke oontni ka doodh taqriban tamam androni bemariyon ka ilaaj hai. In ka khayal hai ke is doodh mein jism mein maujood bacteria khatam karne ki salahiyat hoti hai.

Aqwam e muttehda ke idara barae khuraak o zaraat ki aik report ke mutabiq Ross aur Kazakhstan mein aksar Doctor oontni ka doodh kae marizon ke ilaaj ke liye tajveez karte hain. India mein oontni ka doodh jo yarqan, daq o sil, Tb, damma, khoon ki kami aur bawaseer ke ilaaj ke liye istemal kiya jata hai aur un ilaqon mein jahan oontni ka doodh ( camels milk) khuraak ka baqaida hissa hai. Logon mein diabetes ki sharah bohat kam paai gai hai.

Holland mein 26 sala Franks Smiths wo pehle shakhs hain, jinho ne baqaida taur par oonton ki commercial farming ka aaghaz kiya. In ke walid aesabi amraaz ke mahir Doctor hain. Inho ne shoba sehat ke apne sathiyon ko is research ke liye tainaat kiya ke wo yeh jaan saken ke in ke bete ki tayyar karda masnooat kitni faidemand hain. Sirf 3 he saal ke arsey mein in ke kaam ne mukhtalif halqon mein itni dilchaspi paida kar di ke shoba sehat ki janib se in ke liye baqaida raqam ki farahmi shuru kar di gai. Doctor Smiths ka kehna hai ke is doodh mein itne faide hain key eh Europe ki sehat afzaa khuraak ka hissa ban sakta hai aur hum yehi karne ki koshish kar rahe hain.
Inho ne apni researches ke barey mein bataya ke hospital mein diabetes ke patients ko groups mein taqseem kar ke cow ya oontni ka doodh baqaida taur par pilaya gaya aur phir un ke sugar level ki jaanch ki gai, jis mein se oontni ke doodh ( camels milk) ki afadiyat (benefits) zahir hui. Inho ne mazeed bataya ke is silsile mein wasee tar researches ki ja rahi hain.

Inho ne apni commercial farming ka aaghaz 3 oonton ( camels ) se kiya tha aur ab in ke pas 40 oont (camel ) maujod hain. Agarcha is kaam ke shuru karne mein inhe kar mushkilaat ka samna raha. In ke kehna hai ke Europe mein oonton ( camels ) ki farming shuru karna aik mushkil kaam tha, kyun ke arab mumalik ke bar aks European union mein oonton ( camels ) ko cow, goat waghera ki tarah ka paidawari janwar nahi tasleem kiya jata. Is liye inhe hukomat se khusosi ijazat hasil karni parhi. Europe mein oonton ( camels ) ki daraamad bhi mana hai aur phir oonton ka doodh ( camels milk) dhona bhi aik masla hai.

Franks Smiths ka dawa hai ke inho ne oonton  ka doodh ( camels milk)  nikalne wali duniya ki pehli machine invent ki hai. Inhe shuru mein apni masnoaat ke kharidar dhondne mein bhi masail darpesh the. Ibteda mein inho ne apni masnoaat masajid ke bahar taqseem karna shuru ki. Jahan marakshi aur somaliyai musalman apne mumalik mein is ke aadi the. Rafta rafta in ki masnoaat ki maang barhti gai. Inhe umeed hai ke Europe mein ioontni ke doodh ki masnoaat ki maang mein mazeed izafa hota jaega.

Read more related article >>










Copyright 2014 www.desitreatments.com