DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Neem
 
Neem In Urdu

Neem

The taste of Neem is very bitter and according to its finding the Neem is very sweet. The leaves, fruit, flower, peel and branches all are used as a medicine. The branch of Neem is used as a chewing stick known miswak. Neem tree is very common tree. Also the shadow of Neem tree is very healthy for our health. In this topic you can see different home cure related to Neem, but please first to take advice to your doctor after that use any cure. In this page you can see the benefits and information abour Neem In Urdu and Roman Urdu ( Neem ke faide, Neem ke fayde).

 

Neem Benefits In Urdu (Neem Ke Faide)

 

Famous hai ke Neem ka tree zaiqa mein sakht karhwa aur nataiyj ke lihaz se bohat meetha hota hai.

 

Neem ke tamam ajzaa patte, phool, phal, chaal, bataur dawa istemal kiye jate hain. Yahan tak ke is ka saya bhi sehat bakhsh hai. Neem ki branches se miswak karna mou ki gandagi khatam karna hai. Daanton ko saaf aur keerhe ko door karta hai. Neem ke patte bohat masfi khoon hai. Taqriban 7 masha le kar 7 kali mirchon ke sath pees chaan ka rpeene se kharish, daad, phore, phunsiyan hatta ke korh ko bhi faida karta hai.

 

Neem ki konplein pees kar lagane se garmi daney marr jate hain.

 

Neem ke patte dard ko door karte aur phore phunsiyon ko araam karte hain.

 

Khujli mein Neem ke Neem garam pani se nahana chahiye. Zakhmon ko joshande se dhona chahiye. Zakham thek ho jaenge.

 

Neem ke patton ko jala kar sarson ke oil mein mila kar gholein. Jab wo marham sa ho jae to zakhmon par lagae. In ko mawaad se pak saaf kar ke bohat jald thek kar deta hai.

 

Neem ki paki nibolityan choosne se khoon saaf hone ke ilawa pait ke keerhe bhi marr jate hain.

 

Neem ke fresh leaves ka rus nichore kar in mein nisf honey shamil karen aur naak mein tapkae. Din mein 3 ya 4 baar yeh amal karne se dard e sir rafaa ho jaega.

 

Dimagh mein keerhe parh jana. Burg Neem ke pani mein ilium ko ko qadre ghis kar chand drops naak mein tapkae. Tamam karam murdah ho kar kharij ho jaenge. Din mein 2 baar istemal karen. Ilium ek dawa hai jo pansariyon ke pass se ba aasani mil sakti hai.

 

Garam dimagh ke akhraaj ke liye Neem ke patton ke rus mein elva pees kar naak mein chand drops tapkane se keerhe marr jate hain aur sir ka dard rafaa ho jata hai. Agar elva na mile to meetha oil aur burg Neem ka rus mila kar kaan mein tapkae. Matloba faida hasil ho ga.

 

Roghan e Neem khuwa kisi tarkeeb se nikala ho. Kabhi kabhi sir par lagane se lice nahi hoti aur jo maujood hoti hai wo marr jati hain.

 

Aankhon ki bemari shab kori. Neem ke patton ko le kar kisi saaf o umdah kharal mein daal kar peesen aur qadre pani ka cheenta de kar peesen aur kapre mein daba kar pani nikalen aur bawaqt shab aik aik silaai aankhon mein dala karen.

 

Neem ke patton ka rus nikalen aur 1 tea spoon subha o shaam piyen. 2 din mein faida ho ga.

 

Neem ke patte hasb e zarorat le kar saya mein khushk kar len aur aik haandi mein rakh kar aag par charhae, jab jal kar bilkul raakh ho jae to nikaal ke lemon ke pani mein kharal kar ke khushk kar len aur sheeshi mein sambhal rakhen. 2, 2 silaai subha o shaam aankhon mein dalen. Aankhon ki kharish aur dehand jala ke liye mufeed dawa hai.

 

Maghaz takhum Neem aik tola nihayat bareek pees rakhen aur raat ke waqt 2, 3 silaai aankhon mein laga len. Is se motia band jo ke utar raha ho wahin ka wahin band ho jata hai.

 

Neem ke taza patte aur ajwain hum wazan le kar bareek pees len aur kanpattiyon par laip karen. Nakseer ka khoon aan aband ho jaega.

 

Sirf Neem ke patte pees kar sir par laip karne  aur phitkari pees ka pani mein hul kar ke naak mein daalne se nakseer band ho jaegi.

 

Neem ki miswak karte rehna amraaz dandaan o chasham o maida se mehfooz rakhta hai. Hilte hue daanton ko jama deta hai. Dard mauqoof kar deta hai.

 

Agar Neem ke pholon ko pani mein josh de ka rin se gharare kiye jae to bhi daant aur masorhen mazboot ho jate hain.

 

Neem ke taza patte koot kar pani nikalen. Aur is mein thora sa shehad mila kar 3 din gharare karen. Gale ka dard thek ho jaega.

 

Neem ki chaal aur poast kachnaar ke joshanda se kulliyan karen. Mou ke chaaley aur zaban ka waram door ho jaega.

 

Neem ki chaal aur khushk maco hum wazan le kar pani mein josh den aur is ki bhaap len to waram khannaq tehleel ho jate hain. Ya pukk kar phat jate hain.

 

Burg Neem 2 tola. Aadha pao pani mein sardai ki tarah ghot kar chaan len aur mareez ko pilae. Is ke pee lene se har qisam ki qey ko araam aa jata hai.

 

Neem ke darakht ka chilka 5 masha, mirch siyah 5 adad pani mein pees kar chaan len aur mareez ko pilae. Qey ko araam ho ga.

 

Neem ki pattiyan 10 adad, siyah mirch 5 adad ghot chaan kar pee len. Chand roz ke istemal se piyas ki shiddat khatam ho jaegi.

 

Neem ke patte chitank bhar le kar namak mirch aur deegar masalajaat daal kar ghee mein salan ki tarah pakae aur din mein 2 baar roti ke sath khae. 3 roz ka istemal kafi hai. Pait ke keerhon se nijaat hasil ho jaegi.

 

Neem ke phol 1 tola ghee mein bhoon len aur subha o shaam khae. 3 roz tak aik aik tola istemal karne se pait ke keerhe khatam ho jaenge.

 

Brinjal ki sabzi mein Neem ke chand patte daal kar hasb e dastoor salan pakae aur aik hafta istemal karen. Pait ke kerhe dafa ho jaenge.

 

Neem ke taza patte 3 masha mirch siyah 2 adad ghot kar tablet bana kar har 4 hours bad istemal akrne se aik he din mein isha’aal ruk jaenge.

 

Neem ke darakht ki chaal ka joshanda 2 spoon subha, dopehar, shaam peene se haiza door ho jata hai.

 

2 tola Neem ke patte bareek pees kar thore se yogurt mein shamil kar ke daad par lagae. Chand bar lagane se daad mauqoof ho jaega. Agar yogurt na mile to akela Neem ke patton ka rus bhi maussir hai.

 

Khoon saaf karne ke liye sirf Neem ka rus bhi be had mufeed tasleem kiya gaya hai. Neem ki harri konplon ko koot len aur nichore kar in ka rus nikaal kar subha o shaam aik aik tola piyen.

 

Marz jazam ke liye mufeed tareen nuskha. Pehle Neem ka wo darakht talaash karen jo kam az kam 100 saal purana ho. Jab mil jae to is ka chilka utaar kar bareek pees kar safoof bana len. Daily 9 masha daily subha khilae.

 

Har qisam ke phore phunsiyon ke dafa karne mein qudrat ne is ko khaas quwwat ata ki hai. Yeh kache phore kop aka deta hai. Darakht Neem ke patte 3 tola le kar hath se torh den aur 3 pao pani mein josh den. Jab patte khob gal jae to is mein kapra bhigo kar phore ke oper jharein. Is tarah bar bar karen. Jab pani khatam ho jae to patton ko bareek ghot kar oper laip kar den ya tikkiya bana kar oper baandh den.

 

Read more related article >>










Copyright 2014 www.desitreatments.com