DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Liver Information In Urdu
 
Liver In Urdu

Liver (Jigar)


Liver (Jigar) is a big gland of our body. Liver attempts a very important role in human body. Liver clean the blood and reservoir it. It helps to digest and absorb fats, fibers, protein, vitamin A, D, E and K, copper and those chemical articles, which’s not dissolve. Liver removes bacteria, poison of intestines, allergic compounds, old red and white blood cells and every type of poison, who’s included in the blood.

Vitamin A, B and C, Selenium, iron, zinc, mineral salt and manganese are very hygienic for liver. We can use more fruits and vegetables for the better health, such as grape fruit, grapes, papaya, beet root, cucumber, gourd, ginger, onion and radish. In this page you can see the information about Liver.

Liver Information In Urdu (Jigar)


Jigar (Liver) jism ka sab se barha ghudood hai. Insani jism mein liver jo aeham kaam sar anjam deta hai wo yeh hain.

•    Jigar (Liiver) safrawi namak tayyar karta hai. Yeh namak fats ya roghni ajzaa ko jism mein hazam o jazab ke qabil bana deta hai. Liver heparin tayyar karta hai. Jo khoon jamne ke amal mein aeham kirdar adaa karta hai.


•    Jigar (Liver) khoon saaf kar ke ise zakhira karta hai.


•    Bacteria, intestines ke zehar, allergic murakkabat, khoon ke purane surkh o safaid khuliyaat aur khoon mein shamil hone wale har qisam ke zehar ko khatam karta hai.


•    Jigar (Liver) fats, nishaston, proteins, vitamin A, D, E aur K, copper aur fiber, bal ke un chemical ajzaa ko bhi jo bareek na hue hon. Jism mein hazam aur jazb ke qabil bana deta hai.


•    Jigar (Liver) istemal shuda hormones aur cholesterol ko bhi blood se kharij karta hai. Is ke liye wo inhe safra mein shamil karta hai. Ta ke wo jism se kharij ho jae. Isi tarah jism se drugs, medicines, keerhe maar dawaiyan aur ghizaon mein shamil degar zehrile ajzaa aur deegar izafi ashiya bhi kharij ho jati hain. Daur hazir mein hawa, pani aur ghizaon mein chemical ajzaa ki shamoliyat ne inhe aalooda kar dia hai. Liver ko inhe jism se kharij karne aur ise mehfooz rakhne ke liye musalsal ghizaai ajzaa ki farahmi ki zarorat hotio hai. Jigar (Liver) aik intehai pechida azoo hai, jis mein khud apni murammat aur tajdeed ki salahiyat hoti hai.


Hamari sehat ki barqarari aur tahaffuz ke silsile mein Jigar (liver) ko markazi aehmiyat hasil hoti hai. Lekin is ke bawajood logon ki aksariyat apni ghalat ghizaai aadaat ki wajah se ise naqabil e qabool zehron ka nishana banati rehti hain. Hum apni ghizaon mein roghni ajzaa, alcohol, chemical ajzaa  par mushtamil khano aur mashrobaat, tez masalon, bhari maadni ajza ko shamil karte rehte hain. In ke ilawa hum bazaron ki packed ghizaon mein shamil muzir chemical ajzaa ke hazam bojh bhi is par daalte rehte hain. Hamari apni beparwaiyon ke baiys peen eke pani mein har qisam ke zehrile chemicals shamil hote rehte hain. Hamari factories hawa mein zehrila dhuaan ugalti rehti hain. Jigar (Liver) ko apne muqarrara kaam sir anjaam dene ke ilawa un muzir sehat izafi ashiya se bhi nimatna hota hai. Yani wo inhe kharij karne ke liye bhi sir garam rehta hai. Susti jigar aik aam takleef hai. Jis mein hazam ki kharabiyan paida ho jati hain. Bhook ghayab ho jati hai. Saleh khoon paida nahi hota aur chehra zard ho jata hai.


Susti jigar ki khoj blood test se pata nahi lagti. Shaded qisam ke aarzon ki shikayat he ka ilm test ke zariye lagaya ja sakta hai. Jigar ki mamoli kharabiyon ka izhaar taweel arsey ke bad us waqt hota hai ke jab yeh shikayat sangeen ho jati hain. Jis se aanton ke zehar dafa karne ki salahiyat kamzor parh jati hai aur wo zehrile ajzaa khoon mein shamil hone lagte hain, jin se jism ke tamam aazaa, dimagh o jorh mutassir hone lagte hain. Joints sakht ho jate hain aur ragein tang karti hain aur deegar kae sehat bakhsh sargarmiyan bhi sust aur nakara hone lagti hain. Jigar bhi aanton mein banne wale zehron ki zadd mein aa jata hai. Goya jigar ke khuliayaat ke andar yeh zehar sarayat kar jane se kae nuqsanaat ka sabab banne lagte hain.


Jigar (Liver) ke fail ke sust aur mutassir hone ke natije mein allergy ki shikayaat paida ho kar khatam hone ka naam nahi leti. In ke ilawa jism ke kisi bhi hisse mein mukhtalif amraaz ronuma hone lagte hain aur is tarah liver par free ridicules ke hamle tez ho jate hain. Jigar (Liver) ki tawanaiyon mein kami ki wajah se is mein khoon se astrogen kharij karne ki salahiyat kam hone lagti hai. Lymphatic nizaam nakara reshon aur baafton ko Jigar (liver) mein pohchata bhi hai to is mein is raddi mawad ko pori tarah thikane lagane ki salahiyat nahi hoti. Jis ke natije mein zehrila mawad jisme min jama hone ki wajah se jism ki karkardegi bohat sust aur nakara hone lagti hai. Khoon mein sugar ka tawazun bigarne lagta hai, kyun ke jigar mein jama glucose zarorat ke mutabiq jism ko farahum karne ka amal bhi bigarta jata hai. Is tarah jigar ki khoon se zaiyd cholesterol kharij karne ki salahiyat bhi kamzor parhne lagti hai.

Ilaj (Cure )  :

Vitamins aur maadni namak dono vitamins liver ko free ridicules se mehfooz rakhte hain. In vitamins mein vitamin A, C aur maadni namkiyat mein Selenium ke ilawa iron, zinc, manganese aur vitamin B bohat aeham aur mufeed hote hain.

Abnegation of Food :


Jigar (Liver)  mein waram ki soorat mein ziyada fiber wali ghizaen ( pani mein hal pazeer aur hal na hone wale fibers ). Pectin, yani fruits ka gooda, jou aur chawal ka resha ziyada khaya jae. In se safra ki tarawish aur bahao barhta hai aur cholesterol ki satah kam hoti hai.

Fruits aur vegetables khas taur par tamam tursh phal, grape fruit, papaya, grapes, beet root, cucumber, kakri, gourd, ginger, onion, radish aur har qisam ke saag ziyada khane chahiye.

Kalaa phote anaaj, seeds aur pulses ziyada khani chahiye.

Nashte mein phalon ke bad maghziyat aur walnut ko tarjeeh di jae.

Til ki chatni, calcium, protein aur na jamne wale oil ka behtareen zariya hoti hai. Ise khane ke dauran khushno aur zaiqe mein izafey ke liye thori miqdar mein bhi kha sakte hain.
Read more related article >>










Copyright 2014 www.desitreatments.com