DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Knee Pain
 
Knee Pain In Urdu

Knee Pain (Ghutne Ka Dard)


We are walk with the help of our legs. We can swim, play and many more activities with the legs. We should take good care of our legs.  Our knees are very important part of our legs. It helps to move legs for every step. If our knees are damaged, so we cannot move our legs. Knee ache is a very painful ache in the legs, because Knees are the joint of our legs. We should do exercise daily for the of your legs life. If you have pain in your knee, so please do not take easy and must go to the Doctor for the better treatment. In this page you can see the information about Knee Pain in urdu.

Knee Pain In Urdu


Hum sab pairon ki madad se chalte hain. Lambi sair karte hain, paharhon par charhte, paniyon mein tertey hain. Larakpan mein jholon par jholte hain, khelte koodte hain. Ball ko pao se kheltehain aur uchal kood kar ke khush hote hain. Sochiye to yeh paon bhi ALLAH PAK ki di hui aik azeem naimat hain. Inhe bemar, zakhmi aur zaya hone se bachana chahiye aur in ki hifazat aur qadar karni chahiye.

Pao mein ungliyon ke ilawa 2 aeham joints hote hain. Aik ankle aur dosra ghutne (knee). Aik lamhe ke liye sochiye ke ghutno ke bagher aap ki zindagi kaisi hogi ??? na ap garhi chala sakenge aur na he cycle ke maze le sakenge aur na he seerhiyan charh sakenge.
Sochiye to andaza hoga ke hamare ghutne barhe kaam ki chez hain, lekin isi tarah in ke bhi masaiyl hote hain. Us waqt jab ke yeh mazmoon parh rahe hain. Apne hath se ghutne ki chapni ke niche ungliyon se tatoliye. Yahan ap ko fiber paththon ka aik guchcha sa mehsoos hoga. Jis ne ap ki raan aur pindli ki haddi ko aik dosre se baandh rakha hai. In dono haddiyon ke darmiyan aik kurri haddi bhi maujood hai. Is aitebar se ghaur kijiye to ap ka ghutna kitna nazuk aur kamzor lagta hai. Is ke bawajood wo musalsal sadmey, dhakke aur jhatke bardasht karta rehta hai.

Football, bhaag daur, basket ball waghera jaise khelon, wazan bardari, exercises ke ilawa ghar mein poncho lagane, jharo dene, wazni furniture waghera uthane jaisi beshumar sargarmiyon se bhi hamare jism ke us aeham jorh ke liye barhe masaiyl paida hote rehte hain.
Ghutno mein jab bhi takleef ho to yeh baat zehan mein aa jani chahiye ke yaqinan is nazuk jorh ko kuch na kuch nuqsaan pohancha hai aur yeh is baat ki alamat hai ke inhe zarorat se ziyada istemal kiya gaya hai. Isi mauqey par yeh baat bhi zehan mein aani chahiye ke waqt guzarne ke sath ghutne itne mazboot aur tawana nahi rehte, jitney school ya college ki zindagi mein the. Is taweel arsey mein yaqinan in mein tabdeeli aa gai hai. Isi liye to ab aap jab bhi inhe morhte ya dair tak bethe rehne ke bad khare hote hain, to yeh dukhne lagte hain. Ruko o sujood mein bhi yeh batate hain ke in ki halat ab pehle jaisi nahi hai.

Yehi nahi ghutne tottey bhi hain. In mein moch bhi aa sakti hai. In ki androni chikni aur lachakdarhifazati teh yani kurri haddi thamey rehne wale dour aur patthe sooj bhi sakte hain. Phir yeh ghattiya jaise takleef dey marz ka nishana bhi ban sakte hain.

Zakhmi Ghutna ( Injured Knee ) :


Khel kood ya deegar jismani sargarmiyon ke dauran ghutne zakhmi hon to use mamoli nahi samjhna chahiye. Bal ke muaalij ke mashware se yeh itmenan kar lena chahiye ke in ki saakht ya banawat ko koi sangeen qisam ka nuqsan to nahi pohancha hai. Baat sirf ghutno ke ziyada istemal se hone wale dard ki ho to us ki tadabeer to aap bhi kar sakte hain, jo yeh hain :

Dukhte hue ghutno ko taqriban 20 minute tak baraf lagane se is mein chot waghera ki takleef door ho jati hai, lekin yeh kaam har 2 ghante bad karna hoga. Ghutne par towel ko phela kar baraf ki theli ya kaprhe mein lirti baraf is par rakhen. Baraf ko baraherast mutasira hisse par nahi rakhna chahiye.

Dard door karne ki jo dawa ap ko muwafiq aae, maslan disprin waghera bhi istemal ki ja sakti hai. Kyun ke in ke istemal se waram aur dard dono kam honge.

Ghutne ki Patti ( Knee Brace ) :


Ghutne ki patti ke istemal se bhi baaz auqat faida hota hai, lekin ise bhi muaalij ke mashware ke bagher istemal nahi karna chahiye. Kyun ke baaz auqat araam ke bajae is se dard bhi barh jata hai. Waise aik baat zaroor hai, ke is ke lage rehne se aap chalne phirne mein mohtaat zaroor rehte hain.

Jotey ka Istemal ( Use of Shoes ) :


 Baaz auqat shoes mein gaddi ke istemal se ghutno ko araam milta hai. Khaas taur par jin logon ke pao chapte hote hain, inhe in ke istemal se araam milta hai.

Knee Pain Exercise In Urdu :


 Apni exercise par ghaur kijiye ke kis sargarmi se aap ke ghutno mein takleef hoti hai. Ho sakta hai daur lagane se aap takleef mehsoos karte hon, ya phir cycling aur wazan bardari is ka sabab hon. Asal wajah ki nishandehi ke bad is sargarmi se bachiye ya ise kam karne ki koshish kijiye. Kuch din ke nagha aur araam se bilamoom faida ho jata hai. Isi tarah lambi nishast bhi nahi lagani chahiye. Takleef ke door hone tak seerhiyon ke bajae barqi zeena, lift istemal karne chahiye.

Ghutno mein takleef ka aik sabab bethne ka ghalat andaaz bhi ho sakta hai. Musalsal aik he andaaz mein bethe rehne se in mein takleef ho jati hai. Is liye bethne ka andaaz badalte rehna chahiye. Table par bethne ki soorat mein koshish yeh honi chahiye ke pao table ke niche daraz rahen, ta ke is tarah ghutne ki chapni par baar na parhe. Paon ko mustaqil taur par morh kar bethna munasib nahi hota. Is tarah ghutno par sakht dabao parhta hai.

Thighs ( Raan ) :


Mustaqbil mein ghutno ko zakhmi hone aur dard se mehfooz rakhne ke liye zarori hai ke raano ke patthe mazboot kiye jae. Is ke liye exercise bohat zarori hain.

Seedhe khare hone ke bad right pao aage barha kar ghutne mein se morh lijiye. Left pao sidha rakhiye. Is position mein 10 second rahiye. Ab pehli position par wapis aa jaiye. Yehi exercise left pao se bhi kijiye. Yeh dono amal har dosre din 12 se 15 martaba kijiye.
Read more related article >>










Copyright 2014 www.desitreatments.com