DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us
Liver (Jigar)
 

Liver (Jigar)

Liver is a main function of our respiratory system. It is biggest gland of our body. Liver performs a very important role of the system to digest foods. When we take food, so first it is digest in stomach, this process is known as chyle. After then food moves to absorb in Liver from stomach, it is a second procedure of digestion and this process is known as chyme. Action of Liver is very complicated. Liver does more than 500 works and actions daily. It is a very sensitive chemical plant. Liver has very deep connection with the performance of body. Liver problem is a very harmful disease. Weakness, joints swelling, stomach pain, anemia, diabetes, obesity, uses of alcohol, high fever, jaundice, migraine pain, cholesterol of blood, blood pressure, they all are the symptoms of Liver problem. In this page you can see the information about Liver In Urdu (Jigar) and Roman Hindi.

 

Jigar Ke Baare Mein Information In Urdu:

 

Jigar (Liver) aap ka sab se aeham azoo hai. Yeh darasal hamare jism ka sab se barha ghada hai. Liver dar haqiqat wo azzoo raees hai jo ghiza aur taghziye ke silsile mein nihayat aeham kirdar ada karta hai. Hum jo ghiza khate hain, wo pehle maide mein puk kar hazam awwat hasil karti hai. Ise chyle kehte hain. Yeh patla aur raqeeq madda bareek ragon ke zariye se Liver ki taraf absorb ho jata hai. Jahan wo dobara pakta hai aur hazam doam hasil karta hai. Ise chyme kehte hain. Ikhlaat e arbaa, sputum, safra khoon aur sooda jigar yani Liver he mein bante hain.

 

Jigar (Liver) ka fail nihayat pechida hota hai. Yeh daily 500 se ziyada mukhtalif kaam aur afa’al sir anjaam deta hai. Liver hamare jism ka nihayat hassas chemical plant hai. Jism ki karkardegi ka is se barha gehra talluq hota hai. Yeh hamare mukhtalif aazaa aur ghadad ki karkardegi, in ki sehat aur in ke afa’al par karhi nazar rakhta hai.

 

Research se zahir hota hai ke daur e hazir ya aehad jadeed is ke liye sakht sabar aazma sabit ho raha hai. Hamari sanati o techniques taraqqi is aehad ke kam o besh har insaan ke Liver ke liye barhe masaiyl paida kar rahi hai. Un dino ise taqriban 27000 chemical aur ashaai zehron ( samoom ) se nimatna parh raha hai. Jin mein se kae ke ijtemaai asraat e bad ka ise muqabla karna parhta hai. Pakistan ke aedaad o shumar to farahum nahi hain. Sirf shumali America ke 77 % afraad ke Liver in ashiya ke zehrile asraat ki zadd mein aa chuke hain. Liver ki kharabiyan yahan ke 25 se 60 saal ki umar ke afraad ki amwaat ka teesra aeham sabab ban chuki hain. Pakistan mein bhi amraaz e Liver ka barha zor hai.

 

Bemaar Jigar (Liver) tadeel e samoom yani jism se zehrile madde kharij karne se qasir rehta hai. Jis ke natije mein tamam jism, dimagh o jazbaat bhi zehar aalood ho jate hain. Liver ki mamooli kahrabi ki wajah se beshumar takaleef ronuma hoti hain, jin mein kamzori, hazam ki takaleef, constipation, be aaraami aur be kaifi, thakan, allergy ki shikayaat, dard e sir, chirchirapan aur zehriley maddon ke ikhraaj mein jism ki nakaami qabil e zikar hain.

 

Jigar (Liver) ke fail mein kharabi ki wajah se lahaq hone wali shikayaat mein pait ki kharabiyan ( pait mein riyah aur nafakh ki shikayat ) bechaini, susuti o ghunodgi, pait ka dard, joints ka waram, khoon ki kami, diabetes, obesity, alcohol ke bad asraat, baanjhpan, awaariz, fever, dard e shaqiqa ( aadhe sir ka dard ), pitte ki pathri, pitte ka tadiya, waram, yarqan, khoon mein cholesterol ki kasrat, baaz khas qisam ka blood pressure, mahauli asraat ki allergy, bar bar sardi lagne ki takleef, lamfawi ghadad ki sujan, lamfawi nizaam ka cancer, beenai ke baaz masaiyl aur zehni o jazbati mushkilaat shamil hain.

 

Liver ki Dost Sabziyan :

 

Jigar (Liver) ki kharabiyon ki aik bunyadi wajah sabziyon aur tarkariyon ke istemal mein kami hai. Behsk har sabzi aur har tarkari ke apne fayde hote hain. Lekin Liver ki sehat ke liye baaz sabziyan bohat mufeed hoti hain. Jin ka istemal bilamoom bohat kam hota hai. In sabziyon mein loki, kaddo, tauri, tinda, kheera, kakri, gajar, shaljam, palak, macko, salad, mooli waghera khaas taur par qabil e zikar hain. In sabziyon ke istemal se Liver ko tadeel samoom ( detoxication ) mein barhi madad milti hai.

 

Hamare atbaa ki nazar Liver ke awariz par bohat gehri rahi hai aur wo aaj bhi in pechida shikayaat ka kamiyabi se ilaaj karte hain.

 

Mufeed Liver Herbs :

 

Liver (Liver) ko quwwat o latafat dene wali medicines mein jozboa, kaasni zarishk, macko, munaqqa, long, mastagi, rewand, tij, narkachor, balsaan, nagirmotha, siyah zeera, daar cheeni, anardana, daronj aqrabi aur deegar kae medicines shamil hain. Yeh medicines atbaa tanha ya murakkab soorton mein istemal karwate hain.

 

Aik aur Maqwi Jigar Pauda :

 

In dino khardar paudon ( Gokhro, oont katara satyanasi waghera ) ki nooa se talluq rakhne wala aik pauda jis se satyanasi k izard ratobat ke bar khilaaf doodh ki tarah safaid ratobat nikalti hai aur isi munasbat se yeh milk thistle kehlata hai. Mauzoo tehqeeq bana hua hai. Mahireen nibataat ise silybum marianum kehte hain. Homeopathic mein bhi ise mufeed Liver tasleem kiya jata hai. Is silsile mein hone wali 200 se ziyada tibbi research o tajurbaat ke mutabiq is mein aik juz silymarin paya jata hai. Jis mein Liver ko muzir aur zehriley asraat se mehfooz rakhne ki barhi salahiyat paai jati hai. Yeh juz Liver ko un ajzaa se nijaat de kar is ki karkardegi bahaal kar deta hai. Tadeel samoom ki wajah se Liver ki sehat durust rehti hai.

 

Mufeed Liver Vitamins aur Mineral Salt :

 

Tadeel samom ke qudrati ajzaa ghizaai mein vitamin A, C aur E ke ilawa silver aur selenium khaas taur par qabil e zikar hain. In mein vitamin E sab se ziyada maussir hota hai. Yeh ghizaai ajzaa Liver ko zahriley asraat se mehfooz rakhte hain. In ke muqabley mein milk thistle ka johar, vitamin E ke muqabley mein 10 se 20 guna mufeed hota hai. Is ki wajah se Liver ke khuliyat aur tamam badan ke khulliyon ka astar mehfooz rehta hai. In khulliyat mein dimagh ke ilawa markazi aesaabi nizaam bhi shamil hai. Silymarin in tamam khulliyat ko asraat se bachata hai, bal ke wo aik tarah se in khulliyat ko mazboot qaloo’n mein tabdeel kar deta hai.

 

Tahaffuz khulliyat ke ilawa yeh khud jism ko apni hifazat par uksata hai. Isi ki wajah se jism, 2 aala muhafiz jism salmey, dismutase aur galota thi. Glutathione peroxidase ziyada mustadi se tayyar karne lagta hai. In mein glutathione khaas taur par taur par bohat aeham amino acid hota hai. Alcohol ki wajah se Liver mein is ki barhi kami ho jati hai. Silymarin yeh kami pori karne mein Liver ki barhi madad karta hai.

 

Insaani Liver par is ke asraat ke mushahide se yeh baat bhi saamne aai ke silymarin ki daily 210 se 420 milligram khuraak ke istemal se Jigar (Liver), waram jigar ki shadeed shikayat ki wajah se pohanchne wale nuqsanaat door kar leta hai. Is ki wajah se purane waram Liver ke ilawa safra ki naali ki sujan aur Liver mein charbi jama hone ki shikayat bhi door ho jati hai.

 

In shikayaat ki wajah se khoon mein cholesterol ki satah mein izafaho jata hai. Silymarinin ki miqdar mein numaya kami kar ke Liver ko sami asraat se mehfooz rakhta hai. Is tarah Liver ke ilawa pora jism har qisam ke zehrile ya sami asraat se mehfooz rehta hai. Is tarah patient pasti o izmehlaal se nijaat hasil karta hai. Is mein tawanai laut aati hai. Jazbati o jismani thakan khatam ho jati hai.

 

Sari ul Asar :

 

Silymarin ke khane se bahali sehat ke asraat tezi ke sath ronuma hone lagte hain. Jism ise barhi sara’at se qabool o jazb karta hai aur is ki sab se barhi khusosiyat yeh bhi haike jism par kisi qisam ke kharan asraat murattab nahi hote hain. Yahan tak ke pregnant women aur bacha bhi bilkul mehfooz rehta hai. In khusosiyat ki wajah se ise pichli century ke aakhri ashreki aik nihayat aeham medicineki hesiyat hasil ho gai.

 

Shifayabi ki Raftar :

 

Patients ke khoon ke imtehanat se andaza hota hai ke is ke istemal ke pehle hafte se he faida hone lagta hai aur chon ke Liver ki karkardegi ka jism o jazbaat par barah e rast asar murattab hota hai, patient ki aam halat tezi se behtar hone lagti hai. Mukammal fayde ke liye aik se teen maah tak is medicine ka istemal munasib hota hai.

 

Researches se zahir hota hai ke dosri medicines ke muqabley mein is medicine ke istemal se sehatyabi ki rafter dugni hoti hai. Hifazati tadbeer ke taur par daily 140 se 280 milligram ki miqdar mein is dawa ka istemal munasib hota hai. Pakistani atbaa aur tibbi mohqiqeen ko bhi is par tawajja deni chahiye.

 

Read more related article >>










Copyright 2014 www.desitreatments.com