DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us
Health of Teeth
 

Health of Teeth

Teeth are the main part of our smile. If our teeth are shiny, white and perfect in shape, so our face looks perfect and beautiful. Gums are the main part of teeth, so take good care of your gums. If gums have any problem, so it affect on our teeth. We should use miswaak, it is a healthy and very useful for our teeth. Miswaak makes from the different trees. Please take good care of your teeth, because it is a precious gift from GOD to us, so always be happy and keep smiling. In this page you can see the information about Health of Teeth.

 

Danton Ke Masail:

 

Aaj kal bazaron mein mukhtalif brand ke toothpaste aur manjan waghera barhe dawon ke sath farokht kiye ja rahe hain. Kisi mein fluoride shamil kiya gaya hai, to kisi mein clove oil maujood hai. In toothpastes mein khushbo ke liye mukhtalif herbs ke taleefi taur par hasil kiye hue essence ya johar bhi shamil kiye jate hain. Is ke ilawa in mein aik se zaiyd rangon ki aamezish bhi ki jati hai. TV agarcha aik choti screen hai, lekin awaam ke zehno par is ke asraat bohat gehre hote hain. Bachen to in advertise se forun mutasair ho jate hain. Ho sakta hai ke in masnooi ajzaa aur chemicals se tayyar karda toothpastes se kuch faida hota ho, beharhaal yeh masnooi ashiya fitrat ki qudrati chezon par fauqiyat nahi rakhti hain.

 

Fitrat sehat insane ke muaamle mein bohat fiyaz hai. Danton ki sehat o safai ke liye hamesha taza miswaak dastiyab rehti hai. Mukhtalif darakhotn ki miswaak makhsoos asraat ki hamil hoti hai, maslan babool ke darakht ki miswaak hilte hue Danton ko mazboot kar deti hai. Is miswaak se mou mein chaalon ki shikayat aur gums ki takleef khatam ho jati hai. Pieria mein gums gul jate hain, lekin babool ki miswaak se yeh aarzaa chand dinon mein khatam ho jata hai aru gums mazboot ho jate hain. Babool ke bad neem ke darakht ki miswaak bhi bohat mashoor hai. Is ki miswaak Danton ki badboo door kar deti hai, kyun ke yeh masfi khoon aur antiseptic hai.

 

Daur hazir mein har shey tijarat banti ja rahi hai. Sehat aur sehat se mutalliq ashiya bhi tijarat ban gai hain. Har company aik se barh kar aik aur be misaal chez pesh karti hai aur dosri companies se barh kar is ke mutalliq dawey karti hai. Is soorat e haal mein agarcha in companies ki to chandi ho jati hai, lekin musibat bechare sarif ki aati hai, jo in dawon ki sachai aazmane ke liye aik ke bad dosri aur dosri ke bad teesri masnoaat kharidta hai aur pore yaqeen ke sath istemal karta hai aur use hamesha nakami he hasil hoti hai.

 

Aazmaiysh ke yeh silsila yun daraz hota he rehta hai.kyun ke aae din aik nae chez farokht ke liye advertisement ke zariye pesh kar di jati hai. Bil aakhir bohat si raqam aur apni sehat ginawane ke bad ya to sarif apne Danton se mehroom ho jata hai ya phir mukammal taur par Danton se mehroom hone se qabal he wo fitrat ki chaaon mein panah le leta hai.

 

Scientist ki research ke mutabiq insaan ke daant musalsal chote hote ja rahe hain. Yeh amal bohat sust raftari se waqey ho raha hai. 90 hazar saal qabal ke insaan ke daant aaj ke insaan ke Danton ke muqabley mein dugne the. Scientist ke mutabiq daant mustaqbil ki naslon mein mazeed chote ho jaenge, kyunke inhe barhe aur mazboot Danton ki zarorat nahi rahegi. Michigan University mein pichle 25 barson ki talaash ke natije mein milne wale kae million saal qabal ke Danton par research ki ja rahi hain. Yeh baat to tey hai ke pehle insaan mota anaaj khaya karta tha aur jafakashi ki zindagi basar kiya karta tha, jis ki wajah se is ke aazaa khob mazboot rehte the. Ab jou jou shehri sahultein wasee hoti ja rahi hain aur bareek pisi hui ashiya aur samaan khurdnosh istemal kiya jar aha hai. Insaan utna he ziyada sust aur nisbatan kam sehatmand hota ja raha hai. Kuch arsey qabal log ganna Danton se cheel kar chosa karte the. Is ke baad is ko zehmat tassawur karte hue ganna chor kar ganderiyan chosna shuru kar di, lekin ab wo rujhaan bhi bohat kam ho gaya hai. Kaun itni zehmat kare, yeh sochte hue ab ganne ke juice par iktefa ki jati hai. Yehi wajah hai kea b hamare daant ziyada arsey hamare gums mein nahi rehte hain, bal kea b to gums bhi kamzor hote ja rahe hain.

 

Jism insane ko tawanai ghiza se milti hai aur ghiza sab se pehle mou mein dakhil ho kar Danton ke darmiyan pisti aurbareek hoti hai. Agar daant he sehatmand nhi honge to ghiza na durust taur par hazam hogi aur na jism tawana aur tandusrust rahega. Pori duniya mein Danton ki sehat se ghaflat ki jati hai ya phir aesi masnoaat istemal ki jati hain jo sche khase sehatmand Danton ko bemaar kar deti hain. Tajirana zehniyat ke is daur mein aaj bhi insaniyat ke hamdard maujood hain. Jo fitri usoolon ko jaded libaas mein purkashish aur nae zehan ke liye qabil e qabool bana kar pesh karte hain.

 

 Ahadees e Mubarakan mein Danton ki sehat ke liye miswaak istemal karne ki hidayat ki gai hai. Agarcha miswaak karna sunnat amal hai. Lekin Hadees Mubarakan se yeh bhi sabit hua hai ke agar rehmat insaniyat S.A.W.W. ko ummat ki takleef ka khayal na hota to miswaak karna farz qarar de diya jata. Ahadees ke mutabiq miswaak Danton ko sehatmand rakhne ke ilawa maide aur aanton ki bemari se bhi mehfooz rakhti hai aur sab se barhi baat yeh ke miswaak ke istemal se zabaan mein fasahat o balaghat jaisi nadir khobi paida ho jati hai. Is kainaat mein RASOOL ALLAH S.A.W.W. se barh kar koi hasti qabil e aitemad hargiz nahi ho sakti to phir kyun ummat e musliman apni zabaan mein fasahat o balaghat ke liye miswaak ka istemal nahi karti aur kyun gher fitri ashiya istemal karti hai.

 

Peelo ki miswaak jaraseem kash aur maney jaraseem hoti hai. Is ke istemal se gums sehatmand aur daant mazboot rehte hain. Masnooi taur par tayyar karda ashiya ke bajae hamen sirf aesi chezen istemal karni chahiye, jo hamari sehat ke liye mufeed hon aur fitrat se qareeb hon.

 

Read more related article >>










Copyright 2014 www.desitreatments.com