DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us
Garlic benefits for Bones
 

Garlic Benefits For Bones

In the Sub Continent for joints pain potherb of fresh leaves of garlic were eaten. In the least report it is said that use of vegetables like garlic and onion can prevent from arthritis. In research it is proven that food not only provide protection from osteo arthritis but different elements that is in food can be an effective cure. In middle-aged persons arthritis can cause knees, hips and back bone pain. There is nothing wrong if we say that there is no perfect medicine for arthritis is made yet. In research it is proved that people who use vegetables are less effected from arthritis.

 

Lahsan (garlic) bhurbhuri hadiyon ka muhafiz:



Bary saaghir pak o hind mein joro ki taqlif ke leye lahsan ki tazah hari pattiyon ka saag ahtemam se khaya jata tha. Aan mumkin hai ke ye silsila ab bhi jari ho, lekin dor e hazir ki rang barangi goliyon ke hote hoye lahsan ke pattiyon ke saag ki taiyari ka ahtemam kon karta hai. Isi tarah kabhi lahsan ki kheer aur halwe ka ahtemam bhi hota tha. Ye sary jatan hadiyon ke ghulao rokne ki salahiyat aur khasiyat ki wajah se kiye jate the. Waqat beshak badal gaya hai lekin aaqil o bedar maghaz hone ka sabot aaj bhi pesh kiya ja sakta hai, yani lahsun mukhtalif andaz mein jadeed malomat aur tehqiq ki roshni mein aaj bhi istemal kar ke sehat ka saman kiya ja sakta hai.

 
Markaz e ilm o tehqiq London ke Kings College aur East Anglia University ki tazah report mein bataya gaya hai ke lahsun aur piyaz jesi sabziyan ziyadah miqdar mein istemal karne wali khawateen kohle ki hadi ke ghulao ya bhurbhure pan se ziyadah mehfooz rehti hain. In dono idaron ki tehqiqi report se sabit hota hai ke hadiyon ke ghulao (osteo arthritis) se tehafuz ke silsile mein ghizaein mosar tahafuz hi farahum nahi kartein balke in mein paye jane wale mukhtalif murakabaat bhi in shikayaat ka mosar ilaJ sabit hote hain.

 
Is aham tehqeeq se phele hadiyon ke ghulao aur jism mein wazan ke izafe ke bahumi taluq ke bary mein khoj lagane ki koshish ki gayi thi, jo abhi jari hai, yani in dono ke taliq ke bary mein agarcha koi qatai natija samne nahi aya hai, lekin zer e ghor tehqiqi report se khurd o nosh ki mukhtalif ashiya ke hadiyon ki taqalif par qabo pane ki salahiyat aur khasiyaton ke bary mein khasi malomat zaror samne aayi hain.

 
Hadiyon ki bosidgi ya ghulao se adher umar afrad ke kolhon, ghuton aur rerh (back bone) mein mazoor kar dene wala dard hota hai. Ye ateraf karne mein koi harj nahi ke abhi tak is dard se aaram aur nijaat ki koi mosar dawa dasteyab nahi hai, jis ka natijah ye hai ke mariz bila akhir surgery ke zariye mutasirah ya dukhte jor ki tabdili par majbor ho jata hai.

 
Zer e tehqiq is report ke silsile mein esi aik hazar (1000) jurwan behanon ka mutalla kiya gaya, jin mein se kai  mein ghatiya ki aalamaat mujod nahi thein. Mahireen ne ghatiya se mefooz jurwan behanon ki ghizai aadaat ka tafsili jaizah liya. Isi ke sath sath in ke X- ray bhi pure ghor o khoz ke sath dekhe gaye aur in ke kolhon, ghutnon aur rerh (back bone) mein bari gehrai se hone wali tabdiliyon ka jaizah liya gaya.

 
Is se andazah howa ke in mein shamil jo khawateen ziyadah miqdar mein phal aur sabziya khas tor par lehsan aur piyaz khati thein un ke kolhon mein bosidgi ke asaar bohat kam the.

 
Hadiyon ke joron ko mehfooz rakhne ki salhiyat ka taiyun aur khoj lagane ke leye lehsan mein mujod mukhtalif murakabaat ka mazid mutalla kiya gaya jis se zahir howa ke lehsan mein mujod aik murakab (diallyl disulphide) kurri hadi ko nuqsan pohanchane wale khamraat (enzymes) ki satah kam rakhta hai. Ye khamraat laboratory mein bator tajurba kurri hadi ke khaliyaat mein dakhil kiye gaye the.

 
Kings College London ki jurwan behanon ki ghizai aadaat aur ghatiya se tahafuz ke silsile mein hone wali tehqiq ke nigran Doctor francis william ke mutabi agarcha ye qatai ilm nahi hai ke lehsan ke khane se joron ko tahafuz farahum karne wale mazkurah murakabaat ki satah mein izafah hadiyon ki bosidgi, waram aur in mein dard se tahafuz ko mumkin bana de ga, lekin is tehqiq ne ye zaror sabit kar diya hai ke mustaqbil mein kolhe ki hadi mein ghulao rokne ka agla qadam lehsan ka istemal bhi ho sakta hai.  

   
Read more related article >>










Copyright 2014 www.desitreatments.com