DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us
Fish Benefits For Pregnancy
 

Fish Benefits For Pregnancy

According to a new Spanish research usage of fish during pregnancy can help to give birth a healthy and intelligent child. In that research it is told that use of fish oil can help brain to work in proper way and protect from mental diseases. Doctors said that the use of fish oil capsule is very useful for mental patients. Omega 3 is very beneficial for human brain and body, and it is found in cold water fishes. According to doctors mental patients need Omega 3 to recover and fish oil can easily fulfill that need. It is proven that the regular use of fish can play an important role to protect from cancer. Fish contain Omega 3 fatty acid that can very effective to prevent from this destructive disease. Omega 3 fatty acid stop the cells of cancer tumor but it can effect on chemo therapy.  

Machli Hammla Auraton Ke liye Mufeed:
 

Spain ke mahireen ne apni tazah tehqiq mein inkishaf kiya hai ke doran e hammal machli ka ziyadah istemal karne wali khawateen ke han zaheen aur sehat mand bachon ki paidaish hoti hai. University of Grand Spain mein ki gayi tehqiq mein bataya gaya hai ke machli ka tail dimagh ke khaliyon ko durust karne mein aham kirdar ada karta hai. Is haqiqat ka inkishaf us waqat howa jab 2000 khawateen ke khoon ke namonon par tehqiq ki gayi, is ke elawa tibi tehqiq se ye bhi malom howa hai ke rozana machli ke tail ke capsule khane se nafsiyati bimariyon mein kami ho jati hai.

 
Tibi mahireen ke mutabiq teen mah tak machli ke tail ke capsule ka pabandi se istemal dimaghi amraz mein mubtala afrad ke leye behad mufeed hai. Thande pani ki machliyon mein Omega 3 aur fatty acids wafir miqdar mein paye jate hain, jo zehan aur dil ke amraz ke elawa insani jism ke leye bhi mufeed hain. Doctoron ke mutbiq nafsiyat amraz mein mubtala afraad ko Omega 3 fatty acid ki zarorat hoti hai jo machli ke tail se ba asani hasil kiye ja sakte hain. Mahireen e sehat ne bataya hai ke machli ka baqaidah istemal sartan se bachao mein bhi intehai mufeed hai. Aik ghair mulki jaride mein shaya hone wali report mein bataya gaya hai ke machli ka hafte mein aik ya do bar istemal masane samet kai qism ke sartan se bachao ke leye intehai mufeed hai. Omega 3 fatty acid paye jate hain, jo is mulhik bemari ki rok tham mein intehai mosar hain. Omega 3 fatty acid rasoli banane wale khaliyat rokte hain. Machli ke tail ke istemal se khoon ki shariyaonon mein jamne walicharbi mein bhi kami hoti hai aur jism mein khoon ki rawani behtar andaz se jari rehti hai.

 
Machli ke tail mein mojod Omega 3 fatty acid sartan ke ilaj mein chemo therapy ke amal ko rok dete hain . jo mariz kisi wajah se machli ka tail istemal kar rahe hain un ko is ka istemal rok dena chaheye. Ye baat Holland tibi mahireen ki aik nayi tehqiq mein batai gayi hai. Go ke Omega 3 fatty acid degar bimariyon mein numaya tor par mufeed sabit hote hain, magar chemo therapy mein in ki karkardagi muzir sabit hoti hai. Netherlands University medical center ke tibi mahireen ne tehqiq mein mazid bataya ke pheli martaba machli ke tail aur chemo therapy mein muzir e sehat taluq ke shawahid mile hain. Ye tehqiq jaridah “cancer cell” mein shaya hoi hai. Janwaron par kiye jane wale tajurbaat se bhi sabit howa hai ke machli ke tail ke istemal ne chemo therapy ke is amal ko mutasir kiya hai, jo sartan ki rasoliyon par hammla karne ke leye jari tha.   

 
Read more related article >>










Copyright 2014 www.desitreatments.com