DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Breast Cancer
 
Breast Cancer In Urdu

Breast Cancer (Chati Ka Cancer)


Mostly ladies infester those cancer, who’s breast cancer. It is very common in ladies. Breast cancer affect at the age of 50 or above 50. If breast cancer diagnose recently, so it takes better cure for the disease. We should use fruits and vegetables mostly. Do not use alcohol and tobacco; it is very harmful for the patient. We should take minimum quantity of red meat, fats, salt and cake, biscuits and pastry etc. Do exercise daily, almost 1 hour daily. We should take protein and starch more. In this page you can see the information about Breast Cancer In Urdu ( Chati Ka Cancer, Chati ka Sartan Chati Ka Cancer In Urdu) and Roman Hindi.

Breast Cancer information In Urdu :

(Chati Ka Cancer, Chati ka Sartan)


Khuwateen jin cancers mein mubtila hoti hain, un mein Chati ka cancer (breast ka cancer) sab se aam hai. In mein barhi tadad aesi khuwateen ki hoti hai, jin ki umer 50 saal se oper ho chuki hoti hai. Agar breast cancer ki tashkhees jald ho jae to ilaj ke zariye behtari ki umeed bhi ziyada hoti hai. Scientific research se pata chalta hai ke ache tarz e zindagi aur sehat bakhsh ghiza ke zariye breast cancer ka khatra kam kiya ja sakta hai.

Pistaan ya chati mein ziyada tar doodh paida karne wale ghudood hote hain ya phir wo naliyan jo doodh ko sir pistaan tak le jati hain. Cancer in ghudood mein bhi ho sakta hai aur naliyon mein bhi. Shuru mein amoman aik guthli si ban jati hai. Lekin yeh wazeh rahe ke breast mein banne wali har guthli ya guilty cancer nahi hoti. Andaza yeh hai ke har 8 aesi gultiyon mein se 7 bezarar hoti hain. Tahum aqal ka taqaza hai ek breasts mein koi bhi tabdeeli ronuma ho to muaalij se muaaina karwa liya jae.

Go 50 saal ki umer se ziyada khuwateen ke liye Chati ka cancer (breast cancer ) ka khatra ziyada hota hai, lekin yeh marz khuwateen ke baligh ho jane ke bad umer ke kisi hisse mein bhi ho sakta hai. Mardon ko bhi chati ka sartan (breast cancer) ho sakta hai, lekin aisa bohat he kam hota hai.

Scientist ne aise mutadid awamil ka pata chalaya hai jo Chati ka cancer (breast cancer)  ka sabab bante hain. In awamil mein se baaz ko is marz ka ziyada zimmedar gardana jata hai aur baaz ko kam. Jin awamil ko Chati ka cancer (breast cancer) ka zimmedar qarar diya jata hai. In mein se aksar ke barey mein khayal hai ke in mein estrogen naami hormone ka ziyada dakhal hota hai. Baaz qisam ki guiltiyon ko apni barhotri ya afzaiysh ke liye is hormone ki zarorat hoti hai. Jo awamil breast cancer ka khatra barhate hain wo darj zail hain.

Umer 50 se oper ho jae. Aurat aulad se mehroom ho. Aurat ne kabhi kisi bache ko apna doodh na pilaya ho. Mahwari ka silsila jald shuru ho aur shadi ke bad takheer se aae. Sharab nishi ziyada ho aur aesi ghiza mein jis mein chiknai aur surkh gosht ziyada shamil ho. Baaz khandano mein khusosi maurosi tabdeeli ke baiys breast cancer ka khatra barh jata hai, lekin aisa bohat he kam hota hai. Yani 20 mein se sirf 1 ko, tahum jin khandano mein yeh marz ho un mein khuwateen ko apna muaaina karwate rehna chahiye.

Jis tarah sehat bakhsh ghiza aur khushgawar tarz e zindagi se hu dosri qisam ke cancers se apni hifazat kar sakte hain. Isi tarah Chati ka cancer (breast cancer) se bhi bacha ja sakta hai. Dar haqiqat scientific research se andaza hota hai ke aik khatoon ki umer khuwaa kuch bhi ho aur maurosi pasmanzar kaisa he ho, us ke bawajood ghiza aur tarz e zindagi he Chati ka cancer (breast cancer) ke silsile mein aeham kirdar adaa karte hain.

Humen ilm hai ke ghiza mein phal aur sabzi ziyada shamil karne se ghaliban chati ka sartan (breast cancer) ka khatra kam ho jata hai. Wajah yeh hai ke fruits aur vegetables mein paae jane wale mukhtalif maney takseed ajzaa aur deegar chemical maddey guilty banne mein mazahmat karte hain. Yeh bhi maloom hua hai ke jin khuwateen ki ghiza mein ziyada chiknai shamil hoti hai ya jin ka wazan khusosan shadi ke bad barh jata hai. Un ke liye bhi breast cancer ka imkaan ziyada ho jata hai. Exercise ki kami aur alcohol ke use mein ziyadti bhi aise mumkina awamil hain jo breast cancer ka khatra barha dete hain. In shawahid ki maujodgi meinyeh munasib maloom hota hai ke apni ghiza aur roze ke mamolaat e zindagi ko behtar banane ki koshish ki jae aur is silsile mein masbat iqdaam kiye jae.

Agar tashkhees ke waqt guilty choti ho aur cancer ka phelao Chati (breast) se aage na barha ho to ilaj se jald tadarik mumkin hota hai. Agar khuwateen mohtaat rahen to ilaj se jald tadraak mumkin hotahai. Agar khuwateen mohtaatrahen to wo khud bhi breast mein guilty ya guthli mehsoos kar leti hain. Zarori nahi ke is ka pata muaalij ke matab he mein chale. Jin khuwateen ko aam dino mein ya mahwari ke dino mein ya is se pehle ya bad apni breasts ki shakal aur kefiyat ka sahi andaza aur ehsaas hota hai ke wo in mein kisi bhi tabdeeli ko jald mehsoos kar leti hain. Tabdeeliyan amoman yeh hoti hain.

Chati (Breast) ki shakal ya hajam mein tabdeeli. Jild ki baaft aur saakht mein tabdeeli maslan gharha parh jana. Sirpistan se mawaad risna. Chati (Breast ) ya baghal mein nae guthli ya sakhti ho jana.

Is silsile mein aeham baat yeh hai ke breast cancer ka raasta bhi roka ja sakta hai aur mohtat tariqe se is ka ilaj bhi mumkin hai.
Aakhir mein aik baar phir zail ki baton ko zehan nashin kar lijiye. Jism ka wazan munasib rahe, na kam ho aur na ziyada. Din mein kam az kam 5 baar munasib miqdar mein fruits aur vegetables khae. Yeh vegetables aur fruits mukhtalif qisam ke hon aur har mausam mein khae jae. Alcohol se bachiye aur agar istemal karen to aitedaal ka khayal rakhen.

Exercise ko mamool bana len. Daily 1 ghante tak aam exercise karen aur week mein aik din aik ghante tak sakht exercise kijiye. Choker wala anaaj aur aesi nibatati ghiza khaeye. Jis mein starch aur protein khob ho. Khane pine ki aesi ashiya istemal kijiye jin mein fats bohat kam ho. Gosht khusosan surkh gosht kam khae. Gosht se charbi saaf kar den. Cake, biscuit, aur pastry waghera kam khae. Khane mein namak kam dalen aur tobacco khane ya tobacco ko pine se parhez karen.
Read more related article >>










Copyright 2014 www.desitreatments.com