DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us
Benefits of Mothermilk
 

 

 Benefits of Breast Milk:

According to the research of British scientists that in undeveloped countries number of children in a family is more than develop countries and usually mother feed their child with breast milk for at least 2 years. For that reason the rate of breast cancer is low in these countries is low. It is not a new news that scientists relate breast cancer to the number of children and breast feed, for the centuries people have been told this. In 18th century an Italian researcher has told breast cancer is disease for those women who never been in the relationship of marriage.

 

According to a new research every child that born decrease the rate of breast cancer in his or her mother. According to a research in England if every woman has 6 children and mothers breast feed them about 2 to 3 years than the rate of breast cancer is reused to half. This is all about mother health. Now for the child it is proven that the child that feed on breast milk has less chances of heart diseases than the child that feed on other milk.


Maa Ka Doodh Ke Fawaid:

Bartanwi science danon ka khayal hai ke taraqi pazir mumalik mein bachon ki tadad ziyadah hoti hai aur maaein amoman do saal ki umar tak bache ko apna  doodh pilati hain, lihaza in mulkon mein chati ke sartan ki sharah nisbatan kam hai.

 

Ye baat dilchaspi se khali nahi ho gi ke bachon ki tadad aur maa ke doodh pilane ka jo taluq chati ke sartan se bataya ja raha hai ye bilkul naya nahi hai. Sadiyon se log ye imkan zahir karte rahe hain. Atharven(18th) sadi mein aik atalvi tehqiqkar ne chati ke sartan ko un auraton ki bimari kaha tha jo zindagi bhar rishta e azdawaj mein munsalik nahi hoten.

 

Aik naye tehqiq ke mutabiq har paida hone wala bacha apni maa ke leye chati ke sartan ka khatrah kam kar deta hai. Yahan tak ke jab maa 70 saal ki umar ko pohanchti hai to ye khatrah 7% tak kam ho chuka hota hai. Jahan tak apne dodh pilane ki baat hai to is tehqiq ke mutabiq jitne saal kisi khatoon ne apne bache ya bachon ko doodh pilaya hai in mein har saal 4.3% ke hisab se sartan ka khatrah kam ho jaye ga. Ye musbat asraat jitne aam khawateen mein paye gaye hain isi qadar un khawateen mein bhi the jin ki qaribi rishtedaron mein ye marz tha.

 

Bartania ke hawale se baat karte howe is tehqiqi muttale mein khayal zahir kiya gaya hai ke agar wahan har aurat ke nifs darjan bache hon aur wo har bahe ko do se teen saal apna doodh pilaye to mulk mein chati ke sartan ki bimari adhi reh jaye gi. Tehqiq se taluq rakhne wali aik khatoon ki raye mein maghribi mumalik ki auraten apne bachon ko jitni mudat apna dodh pilati hain agar is mein 6 mah ka izafa kar den to in mumalik mein chati ka sartan salana 5% ki sharah se kam ho jaye ga.

 

Tehqiqkar ye baat wazahat se nahi bata sakte ke apna doodh pilane se maa ke leye chati ke saratan ka khatrah kyun kam ho jata hai. Lekin unhon ne is baat par zor diya hai ke khawateen opper ke doodh ke bajaye bache ko apna doodh pilayein to ye maa ke leye bohat mufeed hai aur bache ki ye zarorat har jagah aur har waqat pori honi chaheye.

 

Ye baat to thi maa ke bhale ki aur ab ke aik aur bartanvi tehqiq ke bare mein suniye jis ka taluq maa ke doodh aur bache ki sehat se hai. 1500 se ziyadah bachon ki kefiyaat par mushtamil is tehqiq se ye baat samne aayi hai ke bachpan meinpiya howa maa ka doodh aanidah zindagi mein bache ko marz e qalb se mehfooz rehne mein madad deti hai. In bachon ki umaren 13 se 16 saal thein. Is ke elawa kuch nozaidah bachon, nojawanon aur bari umar ke logon ki kefiyaat ka bhi jaizah liya gaya jis ke bad sciencedanon ne ye khayal zahir kiya ke maa ke doodh mein paya jane wala ziyadah cholestrol humare jism ko ye “gur” sikhata hai ke aage chal kar chiknai wali ya roghani ghizaon se kis tarah nimta jaye.

 

Is tehqiqi muttale ke doran ye baat bhi sciencedanon ke mushahide mein aayi ye jin bachon ne zindagi ke abtedai dinon mein maa ka doodh piya to un ke khoon mein cholestrol ki satah mein bare hone ke bad jo farq dekha gaya wo bohat ziyadah na sahi, lekin itna zaror tha jis ki bunyad par andazah lagaya gaya ke maa ka doodh pene wale bachon ke leye bare ho kar marz e qalb ke khatrye mein osatan 10% kami ho jati hai.

 

Read more related article >>










Copyright 2014 www.desitreatments.com