DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Pear Fruit Benefits
 

Pear


Pear is a very energetic, tasty, delicious and famous fruit. It is hot in nature. Pear is very useful in all liver problems. Its nature looks like honey. The patients of hepatitis, they can use pear as a food. It is full of nutrition’s. Pears uses in jellies and jams also. It has good source of vitamin C and dietary fiber. The continued use of pear is very useful for blood piles. The patient of high blood pressure must use pear for controlling the blood pressure. In this page you can see the information about pear.

Pear aik famous fruit hai. Pear yani nashpati ki tabiyat honey se milti julti hoti hai. Chunache nashpati ka mizaaj garam yani maulid ratobaat saleha hai. Is ka istemal khushki aur garmi ko dafa karta hai aur jism mein tari mein paida ho jata hai. Chunache aise tamam amraaz jin ka sabab acidity ho ya namak ya safra sabab raha ho, jis ke natijey mein jism mein garmi ya khushki ki ziyadti ho gai ho, nashpati ke istemal se jate rehte hain.

Pear Benefits In Urdu:

Nashpati Ke Faide


Nashpati majmooi taur par ma’adil safra hai. Safra ko qataa karti hai aur is se paida hone wale tamam amraaz ko sakhti ke sath nafey hai. Chunache waram jigar, salabat jigar, jigar ke saddon aur pathriyon mein, jigar ki soozish mein is ka istemal mufeed rehta hai. Yarqan ke patients mein bataur ghiza ya phal ke taur par di ja sakti hai sadro dawa, safrawi hon ya saudawi nashpati ka istemal mufeed rehta hai.

Ikhtelaj qalb wale patient jin ko garmi ki wajah se yeh aarzaa lahaq ho, yani khafqan ki tamam alamaat mein nashpati behtareen ghizaai dawa hai, heart attack ke patients mein agar nashpati ko chabuk dasti se istemal kiya jae to hairat angez fawaid zahir hote hain. Is se aik taraf to intestines ki khushki jati rehti hai, jis ki wajah se ijabat khulasa ba faraghat hoti hai. Dosri taraf yeh maide ke nizaam ko durust karti hai. Jis se riyah ya soozish paida nahi hoti. Jo aam taur par daura e qalb ka baiys hoti hai. Blood arteries ki sakhti ya salabat ko nashpati ke istemal se narmi mein badla ja sakta hai. Na sirf yeh bal ke yeh khoon mein barhi hui charbi ko bhi normal hone mein madad deti hai aur yun agar dekha jae to pear ke fawaid apple ke fawaid se kahi ziyada hain, aap ne suna he hoga, apple ko peel off kar ke aur pear ko bina chilka utare khana chahiye.

High blood pressure ke patients ko fruits ke taur par pear ka istemal zaroor karna chahiye. Is se na sirf kidneys ki safai hoti hai, bal ke blood mein se bhi fasid maddey urine ke zariye kharij ho jate hain.

Pear ka aik hairat angez faida yeh hai ke yeh jism insaani ke tamam raaston ki rukawaton ko door karti hai aur in ki tangi ko rafaa karti hai. Jis ka wazeh matlab yeh hai ke kam az kam 50 % amraaz badan ki yeh aik dawa hai, kyun ke marz ki tareef yeh hai ke wo badan ke aazaa ke afa’al ki kam o beshi ya majari badan jism ke raaste ki tangi ka naam hai.

Blood piles ho ya baadi har 2 qisam mein tanha nashpati ka musalsal istemal be had mufeed sabit hota hai. Isi tarah nashpati urine ki jalan, bandish bol bal ke sang masana o gurdah ko door karne aur in ki paidaish ko band karne wali ghizaai dawa hai.

Maida ya aanton ki hararat ho ya qalb ki gher tabai hararat o hiddat ho ya khoon mein josh o allergy ki kefiyat ho, nashpati se yeh jumla kefiyaat rafaa ho jati hain aur jism insaani ko sukoon o rahat muyassar aati hai.
Read more related article >>










Copyright 2014 www.desitreatments.com