DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Peach(Aarhu) Benefits
 

Peach


Peach is a fruit of summer. It is cold and juicy in nature. Peach has vitamin A, B and C, iron, calcium, phosphorus, fiber and fats. It reduces the acidity of blood and high blood pressure. Peach is very useful for constipation problem, stomach and intestines problems, piles, weakness. The leaves of peach are also use as medicines. In this page you can see the information and benefits of Peach in urdu (peach ke faide, Aarhu ke faide in Hindi and Roman Urdu.

Peach Benefits In Urdu

(Peach Ke Faide , Aarhu Ke Faide):


Aarhu (Peach) ka mizaaj sard aur tar hai aur is ka kaam shiddat garma se paida shuda mausami jalan aur tapish door karna hai. Halki turshi sheerini ki aamezish se aik khushnuma hazim chocolate ki shakal mein ghizaeyat ke ilawa vitamins A, B aur C se bharpor hai. Badan ko ghiza aur bemariyon ke liye shifaai asraat rakhta hai. Is mein gosht banane wale fibers aur roghni ajzaa taqriban 10 % aur maqtar pani 90 % shamil hai. Qudrat ne iron, calcium aur phosphorus ke ajzaa bhi is mein rakhe hain. Loo ke mausam mein yeh jawano ka araam aur garam tabiyat walon ke liye taskeen ka samaan hai, saleh khoon paida karta hai. Blood ki acidity door kar ke phore phunsi aur jildi amraaz se mehfooz rakhta hai, khooni ragon ki sakhti door kar ke high blood pressure ko aitedal par lata aur apne qabz kusha asraat ki wajah se liver, maida aur intestines ke zehrile fuzlaat kharij karta hai.qudrat ne is mein jaraseemkash asraat bhi paida farmae hain. Hafta 2 hafta rozana aadha pao tak aarho yani peach istemal karne se intestines ke chote barhe keerhe kharij ho jate aur aainda paida nahi hone pate. Dhoop ki tezi aur aandhiyon ke jhakkar chalne se jab ghizaai naali mein soozish ho jae to is ke istemal se durust ho jati hai.

Maide ki acidity door karne ke liye ise ghiza se pehle khana chahiye. Chilke samait khana zod hazam aur umdah qabz kusha hai. Aarhu (Peach) piles, josh khoon, kamzori aur naujawan mein kamzor karne wali ratobaton ke akhraaj ko rokne ke iye dawa hai aur ghiza bhi peach ki guthli ke maghaz se badaam e roghan ke tariqe par roghan hasil kar ke piles daiymi qabz aur pait ke keerhe door karne ke liye sote waqt 1 tea spoon se 5 spoon tak chand hafte istemal karen. Bohat jald araam hoga. Yehi roghan chand roz kaan mein daalne se khujli aur behrapan door ho jate hain. Chote bachon ke sir aur kaan ke peeche sakht kharish wali wabai phunsiyan aksar nikal jati hain. Peach ke maghaz ko harey dhanniye ke sath raghar ka laip karne se yeh phunsiyan door ho jati hain. Piles ke massey door karne aur fori taur par in ka dard, jalan aur teesen zaiyl karne ke liye peach ki guthli ko pani ki madad se pathar par ghis kar itne wazan ka sikka ghis kar mila len aur itna he kafoor mila kar 4 guna makhan mila kar marham bana kar mehfooz rakhen.

 Dard, jalan aur teesein to forun 2, 3 dafa lagane se door ho jaengi aur mah 2 maah istemal karne se massey bhi khushk ho jaenge. aarhu (Peach) ke patte bhi dawa hain. Fresh patte aik chitank aur khushk 1 tola, 2, 3 siyah mirch ke sath raghar kar pao bhar pani bana kar meetha mila kar chand roz istemal karne se piles aur pait ke keerhon ko faida hota hai. Borhe aur kamzor maidey wale peach hazam karne ke liye is ke sath honey ya adrak ka murabba mila sakte hain. Bazaar mein keerhon wale aarhu (peach) bhi farokht hote hain, in se aehtiyat karni chahiye.
Read more related article >>










Copyright 2014 www.desitreatments.com