DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Orange fruit
 

Orange Fruit


Orange is a citrus fruit. It is very healthy and very delicious in taste. It is very charming in color. Peoples like very much this fruit. Mostly people take orange after lunch and dinner. The orange is very famous in the provinces of Pakistan and India, such as Punjab, Sindh, Nagpur, Bombay and Bengal. The orange is cultivated in the America, Spain, Brazil, Japan, Palestine, Italy, South Africa and Mexico. Orange has Vitamin A, B and C and calcium, magnesium, sodium, potassium, copper and chlorine. In this page you can see the information about Orange Fruit.

Orange Fruit Information In Urdu


Insaan ke liye fruits ALLAH PAK ki bohat barhi neymat hain. Us ke jitna shukar ada kiya jae kam hai. Yeh hamare liye zaiqey ka samaan karte aur jism ko tawanai aur hararat ke ilawa vitamins ki mukhtalif iqsaam farahum kar ke bohat si bemariyon se bachate hain. Keeno bhi in mufeed fruits mein shamil hai. Yeh tursh phalon mein sab se ziyada pasand kiya jane wala phal hai.

Amoman khane ke bad shauq se khaya jata hai. Pakistan aur India ke mukhtalif provinces Punjab, Sindh, Nagpur, Bombay aur Bengal ka orange bohat famous hai. Is ke ilawa America, Spain, Brazil, Japan, Palestine, Italy, South Africa, Misr aur Mexico, mein bhi kaasht kiya jata hai. Pakistan mein zameen par orange ki umdah qisam kaasht na hone ki wajah se hamare zarrat ke experts ne yahan ki zameen ke mutabiq pewandkari se taraqqi de kar kinno naami sangtara se bhi behtar phal paida kiya, jo sirf Pakistan mein paya jata hai.

Ab kinno ki bhi mutadid iqsaam paida kar li gai hain. Turshada khandan ki deegar iqsaam mein jo ghizaai aitebar se aehmiyat ki hamil hain. Kinno, malta, musammi, narangi, chkotra waghera shamil hain. Kinno, sangtare ke ilawa malta bhi hamare yahan bakasrat hota hai. Rangat, khushbo, zaiqa aur taseer ke lihaaz se yeh apna maqaam rakhta hai. Malta musammi ke muqabley mein barha aur turshi maiyl hota hai. Malte ki Pakistan mein aik aur khas qisam bhi khoob kaasht ki jati hai. Jo andar se surkh rangat ki hoti hai aur isi liye yeh red blood kehlati hai. Khanpur, hazara mein red blood ke kafi baghaat hain, jis ki maang door door tak hai.

Kaha jata hai ke orange ka asal watan South China hai. Shuru mein is ko South India mein mutarrif karwaya gaya. Wahan se deegar mumalik mein pohancha. Umdah sangtare ka qatra 10 se 12 centimeter ka hota hai. Orange ka darakht mutawasit qad o qamat ka hota hai. February, March mein is darakht par bahar aati aur phal lagte hain. November, December aur January mein yeh phal bazaar mein farokht hote hain. Orange ka juice, seed aur peel medicines mein use hote hain. Orange ka jam aur murabba bhi banaya jata hai. Duniya bhar mein orange ka juice bhi packed aur khula bohat shauq se piya jata hai.

Sangtare ko Arabian language mein Utraj, Persian mein Rangtara, Hindi mein narangi, Bengali mein kamal neebo, English mein orange kehte hain.

Sangtare ke Fawaid ( Advantages of Orange ) :

Orange mein vitamin A, B, C aur K ke ilawa calcium, sodium, potassium, magnesium, copper, gandak aur chlorine paae jate hain. Orange safra ko kam karta hai. Isi liye safrawi fevers ko door karta hai. Khafqan, weham aru wehshat mein mufeed hai. Chusti aur farhat paida karta hai. Yarqan mein faidemand hai. Quwwat e madafat mein izafa karta hai. Dil aur maide ko quwwat deta hai. Saleh khoon paida karta hai. Garam mizaaj walon ke liye faidemand hota hai. Poisons ke asraat ko door karta hai. Piyas ko taskeen deta hai. Typhoid, aur garmi ke ishaal ke liye orange ka istemal bohat mufeed hai. Orange ki sab se barhi khoobi yeh batai jati hai ke is ka juice maide mein jaa kar forum absorb ho jata hai. Maide par is ka baar nahi parhta, goya ke orange pehle se digested food ki aik soorat hai. Sugar ke patient bhi is ka istemal kar sakte hain. Kyun ke is mein maujood qudrati sugar blood sugar level ko ziyada barhne se rokti hai aur orange khane ke bad yeh khoon mein absorb ho jati hai.

Food experts ki research ke mutabiq aik meethe orange ka juice bread ke half slice ke barabar quwwat bakhsta hai. Jadeed research ke mutabiq aik pao doodh se jitni quwwat hasil ho gi, utni he orange ke derh pao juice se hasil hogi. Jab ke doodh hazam karne ke liye maide ko kaam karna parhega.

Orange ka juice neem garam kar ke chand roz istemal karane se faida hota hai. Ayyam hamal mein orange ka ziyada istemal karna bohat mufeed hai. Bacha bhi sehatmand aur khobsurat paida hota hai.

Orange ke fresh peel ko face par rub karna keel mahason ke liye mufeed hai. Kache phal ka joshanda maide aur aanton ki shikayaat door karne ke liye istemal kiya jata hai.

Orange ke juice ka istemal burhape mein bones ki boseedgi se mehfooz rakhta hai. Orange ghizaai fiber ka acha zariya hai. Yeh cholesterol ko kam karta hai aur qabz ko bhi door karta hai. Sone se pehle aik ya 2 ornages khana aur phir subha uthte he yeh amal dohrana intestines ke fail ko durust rakhta hai. Ijabat khul kar aati hai. Ulcer ke patients ko is ki turshi se takleef ho sakti hai.
Orange juice 1 kg, misri 1 kg, arq e baid mashq 125 gram, arq e kewra 125 gram. Sab ko mila kar sharbat ka qawam tayyar kar ke mehfooz kar len. 20 se 40 gram yeh sharbat 1 glass pani mein dissolve kar ke waqfey waqfey se use karen. Yeh garmi ki shiddat ko door karta hai. Piyas bujhata hai. Mafrah aur maqwi qalb hai.

Orange juice aur khalis honey hum wazan mila kar mehfooz kar len aur 2 drops subha, 2 drops raat ko sote waqt aankhon mein dalen. Yeh aankhon ki kharish, dhundlapan door karta hai.

Orange ke peel aur mint 6-6 gram le kar pani mein khob pala kar chaan len. Misri se meetha kar ke din mein 3 martaba istemal karen. Digestion door ho gi, pait ke dard ko bhi araam aa jaega. Turshi khansi ke liye muzir hai, lekin orange ki turshi khansi ke liye mufeed hai.

Khob pake hue orange ka juice aik pao le kar naram naram aanch par rakhen aur 170 Fahrenheit tak garam karen. Ab 4 gram banafsha ke patte daal kar forum aag se niche utar len aur 5 minute tak bartan ka mou band rakhen. Phir chaan kar garam garam mareez ko pila den. Din bhar mein jab bhi piyas lage yehi amal repeat karte rahen. Mareez ko ghiza bilkul na den. Aik se do roz mein araam hoga.
Read more related article >>










Copyright 2014 www.desitreatments.com