DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Lemon | Lemon Benefits
 

Lemon (Lemo)


Lemon is a basket of energy and cure. It is use as medicine as well as food. Its beverages are very popular. Lemon is small in size and a simple fruit but it is full of grace of Allah. Drinks made from lemon are best in summer. Lemon has a quality to cool down body temperature and give strength to body to fight from diseases. Lemon can be used in many other drinks to add flavor and aroma. It is a cheap and well known that can easily available. It is cultivated whole year. Visually it is a small fruit but it has a treasure of vitamins in it. Lemon can be used as medicine, it can cure jaundice. Lemon increase will power and very helpful in increasing red cells in blood. In today’s time pimples, boils and eruptions are the main problems faced by young boys and girls. It effect to their natural beauty. They spend lots of money to cure these problems but they don’t know that lemon can solve all these problems. External use of lemon cleans skin and makes skin glow. There are many kinds of lemon like Eureka, Meyer, Lisbon. Peal of lemon give energy to stomach, increase hunger, help to digest food. Lemon is also helpful for cough, vomiting, tooth ache, catarrh and flux and for all the problems of hairs. In this page you will read lemon benefits in Urdu and Roman Hindi. 

Lemon Benefits In Urdu

               
Lemo (lemon) tawanai aur shifa ki aik nani si zanbel hai. Lemo (Lemon) bator ghiza bhi istemal kiya jata hai aur bator dawa bhi. Is ka mashrub khasa maqbol o maroof hai. Go ke ye hajam ke itebar se aur sorat ke lihaz se aik mamoli aur sada sa phaal dikhai deta hai lekin is ke fawai aur khawas par agar tairana nigah dali jaye to ye phal Allah ki khas nematon mein se aik dikhai deta hai. Ese dekh kar ye baat tasleem karna parti hai ke serat aur kirdar ki ki khobi is ke hajam aur sorat ko bemaine bana deti hai.

Lemon be yar o madadgar, muhim jo aur medan e karzar mein bhook o piyas ke shikar insan mein beinteha tawanai paida kar sakta hai. Ye behte khoon ko lamhon mein band kar ke zakhamon ko mandal kar deta hai. Sakht garmi mein ye behtareen mashrob hai, jo ke insani jism ki hararat ko kam karta haiaur ese bemariyon se larne ki qowat bakhashta hai. Ye phal dosre mashrobaat mein bator khoshbo, zaiqa aur dawa ke bhi istemal kiya jata hai.

Lemon aik sasta, maqbol o maroof aur har jagah asani se milne wala phal hai. Is ki kasht sara saal ki jati hai. Zahiri tor par ye aik chota sa phal hai magar is ke makhfi ajza hayateen se bharpor hain. Ese vitamin C ka khazana kaha gaya hai. Jaded tehqiq se humein malom howa hai ke insani jism ki baqa aur tahafuz ke liye hayateen bari ahmiyat rakhti haiaur is ki kami insani jism ko mukhtalif awariz ka shikar kar deti hai. Vitamin C ki kami se masorhon se khoon aana, in mein waram hona,safrawi bukhar aur hadiyon ki kamzori o shikast o rekhet jese amraz lahik ho sakte hain. Isi liye mualij hazraat in bemariyon ki tashkhis ke bad vitamins ki goliyan istemal karne ki hidayat karte hain.hukma aur atiba vitamins ki masnoi goliyon ke bajaye lemon ke istemal ko behtareen qarar dete hain. Is se na sirf in ke muzir asraat se bacha ja sakta hai balke is ki kami se hone wale awarizaat ke hamle se mehfooz raha ja sakta hai. Yun to lemon sara saal milta hai magar is ki paidawar ka musam barsat hi hai. Aur lutf ki baat dekhiye ke dosre phalon ki tarah ye bhi apne musami taqaze khob pore karta hai.

Lemon wabai amraz maslan peat dard, qee, ishal, kharish aur danon mein gona go fawaid ka hamil hai. Musam e barsat mein is ki sikanjbeen bohat mufeed hoti hai. Qee peat dard aur matli ki sorat mein lemon par kali mirch laga kar chatai jaye to behtareen afadiyat hasil hoti hai.is ke elawa donon waqat ke khane ke hamrah piyaz par lemon nichor kar nimak ka izafa kar ke istemal karna sodmand sabit hota hai.

Qadeem atiba ne is ki chand sifat malom kar ke is ki sikanjbeen bana dali, jo aik khush zaiqa, farhat bakhash aur laziz mashrob ke tor par istemal hoti hai. Magar lemon aik khush zaiqa aur sehatbakhash phal hone ke sath sath mufeed dawai ghiza bhi hai aur yarqan ka shifa bakhash ilaj bhi hai. Lemon ka chota sa ye sunehri phal na sirf shifai asrat ki dolat se malamal hai balke sehat o tawanai mein bhi apna jawab nahi rakhta. Amraz ke khilaf sab se ziyadah mosar qowat e madafiyat hai. Lemon ka istemal is towat ko taqwiyat bakhashta hai aur khoon ke surkh zaraat paida karne mein aik aham kirdar ada karta hai. Aaj kal nujawan larke larkiyon mein chehre par kail mahase aur phore phonsiyan chehre ke husun ko mutasir kar ke qudrati khoobsorti ko mand kar dalte hain. Chehra kisi ko mutasir karne ke bajeye badshakal sa dekhai deta hai. Is marz se mojawanon mein qowat e iradi paida hone ke bajaye nafsiyati nagawari ka ahsas paida ho jata hai.

In kail mahason aur kharish ka asal sabab amoman buland fishar e khoon hota hai. Nojawan nasal in se nijat pane aur jild ke nikhar ke liye ziydah tar mehangi creamon ka bakasrat istemal karti haimagar wo ye nahi janti ke qudrat ne is marz se nijat pane ke liye aur rang nikharne aur rang kattne ke liye is nanhe se phal mein kis qadar qowat faraham kar rakhi hai. Lemon ka beroni istemal jild ko nikhar kar husun bakhashta hai aur andironi istemal khoon ke fasadi madde khatam karne mein muawanat karta hai. Ye jild par mojud kail mahason aur phore phonsiyon ko khatam karta hai aur dagh dhabbon ko saf karta hai.

Lemon masfi khoon hone ke sath sath qatil jarasim bhi hai. Is ka istemal tezabi maddaon ko rafa karta hai aur safrawi amraz mein to ye teer ba hadaf ilaj hai. Is ki inhi khobiyon ke bais ese malaria mein khasa amal dakhal hai.

Is ka ras humageer istemal aur fawaid ke lehaz se apni misal aap hai. Kapre par roshanai ya phaphondi ke dhabe hon to inhen lemo (lemon) ke ras se baasani dor kiya ja sakta hai. Lemo (lemon) ke ras se citric acid banta hai. Mashroobat ki taiyari aur murabon ko mehfooz rakhne ke liye ye tezab bemisal hota hai.

Lemo (lemon) k eras ki miqdar ko kam kar ke hasb e khuwahish patli chach bhi taiyar kar ke pi ja sakti hai. Esa mehlol aam tor par marizon ke liye taiyar kiya jata hai. Is mein lemo (lemon) k eras ki miqdar intehai mamoli hoti hai. Lemo (lemon) k eras mein machili ka gosht bhigone se aik arse tak kharab nahi hota aur ese khase arse tak mehfooz rakha ja sakta hai.

Agar lemo (lemon) k eras ke chand qattre seab (apple), kele (banana) ya kisi aur phal par dal den to ye jald kharab nahi hote. Lemo (lemon) ka ras namdar phalon ko siyah hone se bachata hai.     

Lemo (lemon) ki  iqsam:


Is nanhe se phal ki kai iqsam hain. Jin mein khas zeel mein bayan ki gai hain.

Eureka Lemon :


Is qism ka phal ras dar, zard rangat ke liye aur shakal ka qadre lamba hota hai. Is ki satah kuch khurduri hoti. Is par lambi lambi ubhri hoi dhariyan hoti hain.

Farnka:


Ye lemo (lemon) kiqism balahaza se mushabehat rakhti hai. Is mein dhariyan qadre pheli hoti hain aur is ka zaiqa kam tursh hota hai.

Lisbon Lemon:


Is ka chilka barik aur humwar hota hai. Ye zara sa lamba hota hai aur is ke sar par numayan ghandi hoti hai. Ye bhi ras dar phal hota hai.     

Meyer Lemon:


lemo (lemon) ki ye qism aala khayal ki jati hai. Is ka rang narangi aur is ki satah humwar hoti hai. Baz oqat is par halki si dhariyan bhi parh jati hain.

Humare mulk mein kagzi  lemo (lemon) behad maqbool hai. Log is ke rasiya hote hain. Lemo (lemon) ko aaj ke dor mein sehat afza balke husun afza kehna chaheye kyun ke is mein bhara ras vitamin C ka khazana hota hai. Jo log lemo (lemon) k aistemal rozana karte hain in mein aam afrad ki nisbat qowat e madafiet ziyadah pai jati hai. Un ke khaliyat mehfooz rehte hain. Masorhe bhi kharab nahi hote. Sab se bari baat ye hai ke un ka jigar kabhi kharab nahi hota. Is mein vitamin B aur C hone ki wajah se khurak ke hazam hone mein aasani rehti hai. Heze ke dinon mein is ka istemal sodmand rehta hai. Ye mede ki jumla bemariyon ko rafa kar ke is ko qowat bakhashta hai. Jin logon ka jigar kharab ho ya sust kaam karta ho ya bhook kam lagti ho, unhein chaheye ke wo nihar mun aik glass lemo (lemon) ka ras tazah ya garam pani mein mila kar pe len. Is se un ke jigar ka faal tez ho jaye ga aur khoob khul kar bhook lage gi. Motapa ke shikar log isi nuskhe ki madad se apni faltu charbi kam kar sakte hain.

Safrawi bukhar mein mariz ko bohat piyas lagti hai. Jism ki tapish aur jalan chain lene ka naam nahi leti. Ese mein lemo (lemon) ka aabshorah kaam aata hai. Apni mein lemo (lemon) nichor kar cheni ghool kar pene se shidat e piyas se nijat mil jati hai. Aaj kal wazan kam karne ke liye log doctors se ruju karte hain jab ke sabiqa zamane mein log neem garam pani mein lemo (lemon) aur shehad ka ras mila kar nihar munh piya karte the jis se do teen mah mein un ke jism mein mojud faltu charbi tehlil ho jati thi aur un ke jism mein phele jise chusti aur tawanai paida ho jati thi.   
    

Karna ke khawas:


Ye aik qism ka lemo (lemon) hai jo khatta hota hai aur Pak o Hind mein bohat si jaghon par is ki kasht hoti hai. Iran mein ye khoob hota hai, is ko khate hain aur is ke ras se sharbat banate hain.gongi se chota aur is se ziyadah mitha aur khush maza hota hai. Is ke chilke mein khushboo hoti hai. Karna shuru mein sabz tursh aur karwa hota hai. Pak kar surkhi maill hone jane par mithas aajati hai. Is ke darakht ke patte lemo (lemon) se chore hote hain. Is ka phool gol hota hai, phool mein char pankhariyan hoti hain. Is ke phool ka arq nikal kar istemal karte hain. Ye darakht garam mumalik mein bohat hote hain.

Ye mizaj ke lehaz se zard chilka aur phool dosre darje mein garam o khushk hain tursh doare darje ke akhir mein sard o khushk hai.

Sharbat e  limo (lemon):


Ye kagzi  lemo (lemon) se bara phal hai, maza shereen hota hai lekin nafa kagzi  lemo (lemon) ke muqable kam hasil hota hai. Ye mizaj ke etebar se phele darje mein sard aur dosre darje mein tar hai. Maskan harart hai, piays ko dor karta hai, sene aur halaq ki sozish ko nafa hai. Maqwi qalb o meda hai. Kagzi  lemo (lemon) ki banisbat ziyadah mufrh hai. Patthon ko zarar nahi pohanchata. Khoon ki hidat, tezi aur fasad ko dor karta hai, akhtelaj e qalb min mufeed hai. Safarawi bukharon mein maskan ki hesiyat se istemal kiya jata hai. Is ke istemal se yarqan mein faidah hota hai. Atiba ke mutabiq bohat thanda hai. Aur bawaram aza aur bharbharahat ko dor karta hai, jild ka rang nikharta hai, banad ko qowat deta hai, jism ki kasalmandi aur susti ko dor karta hai, bukharon mein is ke phool ke taar nikal kar khilane se ghabrahat aur be cheni dor hoti hai. 

Kagzi  lemo (lemon):


Mashhor phal hai.shereen, tursh aur mekhush hai. Sab se achi qism wo ahi jis ka chilka barik ho aur baasani nikal aaye ese hurf e aam mein kagzi  lemo (lemon) kehte hain. Metha lemo (lemon) jise sharbat e limoo (lemon) kehte hain fawaid mein khatte se kam hai magar pthon ko muzir nahi. Jis ka chilka mota hota hai usse gondiya lemo kehte hain. Kacha lemo (lemon) sabz hota hai pak kar zard ho jata hai. Is ke darakht ke patte karne ke patton se chote, gehre sabz aur mote hote hain, tazah chilke ko daba kar tail kashed kiya jata hai, is mein aik qism ka tezab yani citric acid hota hai. Is ka ras roghan e badam mein mila kar rakhne se arse tak kharab nahi hota.

Chand tibi fawaid:


1.    Lemo (lemon) ka chilka mede ko qowat deta hai. Bhook barhata hai, hazma durust karta hai, mufrah qalb aur mqvi hai, gurde ke sidde kholta hai, raddi akhlat ki islah karta hai. Is mein taryaqiyat haijis se zeharon ko mufeed hai. Is le khane se kafi der tak khoshbudar dakaren aati hain.

2.    Kagzi  lemo (lemon) ka ras akhlat mein latafat o raqat paida karta hai. Siyah aur dad o jhaiyan par lagane se faidah hota hai, mede ke waram ko dor karta hai, khoon ki hidat aur tezi ko taskeen deta hai. Bekharon mein mufeed hai. Khoon ke fasad se phore phoniyon aur piti uchalne ko nafe hai. Safra ki tezi ko kam karta hai. Safrawi qee, bukhir aur sar chakrane ko mufeed hai. Sodawi khafqan ko dor karta hai. Damme se balgham ka ikhraj karta hai. Zehron mein mufeed hai, mede ko bazariya qee saf kar ke lemo (lemon) ka ras pene se sanp (snake) aur bicho (Scorpio) ka zehar utar jata hai, muh mein khushbu paida karta hai, dil ko taqat aur farhat bakhashta hai, piyas ko bujhata hai, heze ke jarasim ke liye dafa e afonat ka kam karta hai. Leasdar balgham aur halaq ke waram ko mufeed hai.
3.    Is ka bej khane se tafrih paida hoti hai. In ke chabane se danton ki behisi jo turshi se paida ho dor ho jati hai. Qabiz hain, daston aur qee ko rokte hain, badhazmi ko nafe hain, samiyat ke liye tayaqiyat rakhte hian.

4.    Kushta e semab kha lene se hone wali pareshani mein kagzi  lemo (lemon) ke darakht ke patte ghont kar ke pilane se sara ya reh badan kharij ho jata hai. Ese 21 roz tak istemal karate hain, is ke patte long aur darchini ke sath peas kar mathe par lagane se sar dard dor ho sakta hai.

5.    Muslim humrah namak o kali mirch ke pisa howa heze ko mufeed hai. Is ko sukhane se nazla dor ho jata hai. Safed kapre dhote waqat lemo (lemon) ka ras dalne se wo safed buraq ho jata hai. Ghusal karne se phele lemo (lemon) bator sabun jism par malne se jild mulaim hoti hai aur khobsorati barhti hai. Gale ke amraz mein lemo (lemon) ka ras aur shehad mila kar pine se taqlif dor hoti hai. Naksir ko band karta hai, pechish aur ishal aur badhazmi mein mufeed hai. Masorhon ke phool kar zakhami ho jane aur khoon aane mein boaht faidah karta hai. Doran e halam hone wali qee ko rokta hai. Fote aur maqad ki sakht khujli mein garam pani se dho lemo (lemon) ka ras lagane se aram ho jata hai.

Atiba ke nazdik lemo (lemon) khatta, bhook barhane wala aur hararat barhane wala hazim aur atish e hazam ko ziyadah karne wala hai. Kacha lemo (lemon)balgham paida karta hai, pukhta safrawi hijyan k odor karta hai, hazima karta hai badhazmi dor karta hai, nazla balgham ko chanta hai, qee dard aur sozish e shikam aur piyas ko dafa karta hai, peat ke kere parta hai, dast rokta hai, yarqan mein mufeed hai, aanowala ko lemo (lemon) k eras mein peas kar lagane se bal girna band ho jate hain aur lambe hote hain, sar ki bhosi dor hoti hai, lemo (lemon) aur piyaz ka ras hum wazan mila kar pene se tili ka waram tehrir ho jata hai. 9 masha bej aur 8 masha sindha namak peas kar khane se bicho ka zehar utar jata hai.                           
                                             
Ye phal humare han chat pate pan ke liye istemal kiya jata hai. Log ese salan, dal wagherah mein nichor lete hain tak ke zaiqe ki infaradiyat paida ho jaye. Is se mukhtalif amraz ka ilaj bhi hota hai. Kan dard, khansi, badhazmi, dard e shikam wagherah bohat si taqalif aur shikayat ese hain jo humein aksar o beshtar lahaq rehti hain aur in se nijat pane ke liye hum foran doctor ya hakeem ke pas bhagte hain, in mamoli shikayat ka ilaj baasani lemo (lemon) o degar phalon se kiaya ja sakta hai. In ki tafseel darj zel hain.

Degar Fawaid:


Ye aik dam sada aur azran tarkib hai jo is mozi aur sakht bemari ke liye herat angez asraat rakhti hai. Garam pani mein lemo (lemon) nichor kar pene se ya jigar mein garbar ki wajah se sar chakarana aur ankhon ke age andhera cha jana ya paidaish ke waqat taqlif shaded ho to ye niskha mozon hai. Agar chothe (4th) mah se paidaish tak aik lemo (lemon) ka ras bator shabat bana kar piya jaye to ye tamam taqalif khatam ho jati hain.

Khansi ke liye:


Aik lemo (lemon) ka ras nikal kar is meinlong ka safof aik rati mila den, is mein aik chitank pani ka izafa kar den ab ese achi tarah hal karen.is mehlol ko 8, 8 ghante ke waqfe se istemal karen. Khansi khod bakhud theek ho jaye gi.

Matli ke liye:


Aik kagzi  lemo (lemon) ka ras nichor kar ese nisf len, ese aik chitank pani mein mila den, is mein aik rati zerah, ai rati ilaichi dana ka safof dal kar achi tarah milaein.ye sab ajza pani mein achi tarah hal hone chaheye, ye mehlol kisi mehfooz jagah par rakkh den aur har 6, 6 ghante bad nosh karte rahen. Is nuskhe ke istemal se har tarah ki matli  aur qee se chutkarah mil jata hai.  

Dant ke dard ke liye:


dant ya darh mein dard roz marah ka mamol hai. Is ke liye mehange tooth pate istemal kiye jate hain. Halan ke ye mamoli sa nuskha heart anze khubiyon ka hamil hai. Long ka safof aik chota chamcha bhar kar aik adad kagzi  lemo (lemon) ke ras mein shamil karen. Ese achi tarah mila kar yakjan kar len, kisi shishi mein bhar kar mehfooz kar len. Bawaqat e zarorat ungli par laga kar danton par achi trah malen. Is tarah dant ka dard khatam ho jata hai. Yehi nuskha masorhon ke dard ke liye mufeed hain.

Ishal ke liye:


Jab mariz ijabat mein bohat dard aur taqlif mehsos kare ya ijabat ke humrah pep bhi aarahi ho to us waqat ye nuskha behad mufeed hota hai jo ke nihayat sada hai. Mariz ko lemo (lemon) ka ras thori thori der bad chataein. Is se dast aur pechish mein afaqa hota hai. Bawaqat e zarorat mariz ko lemo (lemon) ka adha pao ras sada pani mein mila kar pilaein aur isi tarah din mein 5 se 7 martaba khurak den. Dast khuwa kitni hi tezi se kyun na aarahe hon, band ho jate hain. Lemo (lemon) ke ras ko dodh ke humrah pina pechish aur julab ke liye mufeed o akser hain.

Nazla zukam ke liye:


Kaghzi lemo (lemon) ko khadar ke ese kapre mein jo phele se pani mein bhiga howa ho, lapeat kar uper se chikni miti ka leap kar den. Ese kisi tanor mein aik ghante ke liye daba den. Waqat e muqararah par nikalne ke bad is par se ehtiyat se mati utar den aur arq nikal kar kisi bartan mein dalen. Pani thanda hone par mariz ko pila den, is nuskhe ki khubi ye hai ke zukam tezi se rafa ho ga. Agar is mein munasib miqdar mein shehad bhi milaya jaye to is ki tasir mazid umdah ho jati hai. 

Jame hoye kef ke liye:


Ye marz behad taqlifdah hota hai kyun ke is se sans lene mein kafi dushwari hoti hai aur khana khate mein ajeeb se matli ka ahsas hota hai. Isi tarah agarm zukam pak gaya ho to halke garam pani mein tazah adhe kagzi  lemo (lemon) ka ras milaen aur mazid neem garam kar ke is se subah aur sham gharare karen jama howa kef kharij ho jaye ga.

Chehre ki hifazat ke liye:


 Lemo (lemon) ka ras 3 martaba malmal ke kapre mein chan len. Ab is mein 2 tola chana howa arq e gulab shamil karen is ke bad is mein umdah qism ki glasreen 2 tola dalen is ke bad in sab chiezon ko kisi shishi mein dal kar achi tarah yakjan kar len. Ye chere ki khubsorti barhane ke liye aala dawa hai. Is se aap ke chehre ki kail mahase aur dagh dhabbe khatam ho jayen ge aur rangat nikhar jati hai. Ye jild ko lambi umar bakhashta hai aur resham ki manind mulaim karta hai.

Husun ke nikhar ke liye:


Raat ko sote waqat agar chand dane munaqa ke do tole lemo (lemon) k eras mein bhigo deye jayen aur inhen subah nihar muh kha leya jaye aur bad mein lemo (lemon) ka ras pi liya jaye to husun mein nikhar paida ho jata hai aur bhook bhi ziyadah lagti hai.

Chehre ke nikhar ke liye:


 lemo (lemon) ka arq besan mein mila kar chehre par lagane se dagh aur dhabbe dor ho jate hain. lemo (lemon) k eras ki malish karne se chehre ki jild mein nikhar paida ho jata hai. lemo (lemon) ke do tukron par sabun achi tarah mal kar inhein chehre par malne aur neem garam pani se muh dhoyen, hasas jild wale afrad ahtiyat se kaam len. In ke liye behtar hai ke wo lemo (lemon)  ke ras mein chand qattre glasreen aur arq e gulab shamil kar len. 

Chehre ki jild ke liye:


Chehre ki jild gardan ki nisbat ziyadah nazuk aur hasas hoti hai. Ese ziyadah nazuk dawa ki zarorat hoti hai. Zel mein hum aik mufeed nuskha pesh kar rahe hain jo chehere ki jild ke liye mufeed aur mujrib hai. Chand qattre badam ke tail mein nifis chai ka chamcha phente howae ande (egg) ki safedi milayein, phir munasib miqdar mein lemo (lemon) ka ras is mein shamil kar den. Is tarah ye murakab aik naram si tikiya ki shakal ikhteyar kar le ga, is tazah tikiya ko chehre aur ankhon ke gird aahista aahista masaj karen. Yahan tak ke tikiya khushk ho jaye. Khushk ho jane ke bad garam pani se ese chora den.jild ghair mamoli tor par shafaf aur chikni nikal aaye gi. Khal jis qadar ziyadah hasas ho isi qadar kam lemo (lemon) ka ras ande (egg) ke paste mein shamil karna chaheye.

Rang saf karne ke liye:


Lemo (lemon) ka sharbat yun to 2,3 mah istemal karne se rang mein numaya tabdili ajati hai. Agar lemo (lemon) ke khali chilkon ko nahate waqat pore jism par achi tarah ragra jaye to yehi asrat dinon mein hasil kiye ja sakte hain. Is se na sirf rang saf hota hai balke jild bhi mulaim hoti hai. 

Jild ki mail ke liye:


baz mosamon mein jild nihayat badnuma dikhai deti hai aur gardan amoman maili maili si malom hoti hai. Agar lemo (lemon) ka ye nuskha istemal kiya jaye to gardan fori tor par saf ho jati hai aur apni asli aur khushgawar rangat par wapis ajati hai. Aik hisa arq e gulab aur aik hisa glasreen len ab 6 hisse kagzi  lemo (lemon) ka ras is mein shamil kar ke achi tarah milayein. Ese roi ke aik phoye ki madad se gardan par laga dijiye. Ye amal raat ko sote waqat karna nihayat mozon hota hai. Ye murakab lagane ke bad aap so sakte hain, agli subah apni gardan dho len ya naha len. 2,3 martaba ye amal karne se gardan ki jild mein numaya farq dikhai deta hai aur wo mail kuchal se azad ho jati hai. 

Jarasim ke khatme ke liye:


Aik lemo (lemon) ka ras agar kisi dosre masraf mein laya ja chuka ho to baqi mandah ya bacha howa ras nahane ke liye ubtan ka kaam karta hai. In se nikhar paida hota hai aur jo qudrati khushki pai jati hai wo rafa ho jati hai. Ye jarasim ko khatam karta hai aur jism par khushgawar asaraat dalta hai.

Keel mahason ke liye:


Glasreen aik chitank le kar is mein kagzi  lemo (lemon) ka tazah ras aik tola shamil karen. Is ke bad is mein carbolic acid 2 qattre mila kar ese kuch der ke liye kushdah jagah par rakh den. 3 ghanton bad ese wahan se utha kar khub achi tarah hilayein. Ye dawa taiyar hai rozana donon waqat ese apne chehere par malish Karen. Ye muddat chand saaton par mushtamil honi cheheye. Is ke bad garam pani se apna chehra dho len. Chand din ke istemal ke bad hi aap ke chehre par mojud keel, mahasse, chaiyan aur dhabe dor ho jayein ge.

Degar Fawaid :


Phele y malom kar len ke ye mahase garmi se hain ya khushki se, tari se hain ya chiknai se. phir in ka ilaj muntakhib Karen. Agar ye garmi se hain to subah nihar muh aik glass basi pani mein lemo (lemon) karas shamil kar ke istemal Karen aur din bhar jis qadar ho sake pani pejiye. Masalajat aur garam ashiya se gurez karen. Keel mahase khud bakhud khatam ho jayein ge. Agar keel mahase khushki ki wajah se hain to raat ko sone se qabal dodh ki malai lagayein aur lemo (lemon) ke sath aik chitank josh khaye howae dodh mein aik lemo (lemon) ka ras mila kar the mein jamne den aur garha hone par raat ko sone se qabal chehre par lagayein. Is e jald hi aap ka chehra hasen ban jaye ga.  

Jhuriyan ke liye:


Tazah kagzi  lemo (lemon) ka ras din mein 2 martaba chehre par maliyeaur phir kisi umdah sabun se chehra dho lejiye. Esa karne se chehre ke shikan dor ho jate hain. 

Dad ke liye:


Ye aik esi bemari hain jo mushkil se hi dor hoti hai. Mosam e garma mein jild par pasina aata hai to dad mein behad khujli hoti hai. Is ke liye zel mein do nskhe bayan keye gaye hain. In mein se aap ko sirf us sorat mein afadiyat hasil ho sakti hai ke aap in ka istemal us waqat tak na choren jab tak dad ka mukamal khatama na ho jaye. Ye donon nuskhe behad mujarib aur mufeed hain.
Barod (potash) hasb e zarorat len is mein lemo (lemon) ka ras itna dalen ke patla sa lep ban jaye, is murakab ko mutasirah jagah par lep Karen. Is se dad kitna porana hi kyun na ho khatam ho jata hai. Hukama ka khayal hai ke ye nuskha shatiya dad ka ilaj karta hai aur is se kiya jane wala ilaj ziyadah twil bhi nahi hota. Barood ko kisi mahir se nihayat barik karwa lena chaheye. Agar aap khud ese barik pesne ke khuwahishmand hain to pori ahtiyat bartein.    

Dama ke liye:


 Is marz ka ilaj behad sadah hai. Log is ilaj ko mamoli samajh kar nazarandaz kar dete hain. Sirf aik lemo (lemon) ka ras subah, dopehar aur sham ko chos leya Karen. Mehaz itna karne se is marz ke jarasim khatam hona shuru ho jate hain aur sehat bahal ho jati hai.

Balon ki chamak ke liye:


Kagzi  lemo (lemon) la tazah ras nikal kar rakh len. Ese apni ungliyon ke poron par laga kar balon ki jaron mein lagaiye aur khob achi trah malish Karen. Kuch der unhi rehne den phir apne balon ko dho len is se bal chamakdar ho jayen ge aur jharna bhi band ho jate hain.

Siyah balon chamakile ke liye:


Lemo (lemon) ka ras balon ki afzaish aur nashonuma ke liye sodmand hai. Agar tazah kagzi  lemo (lemon) ke aik chitank ras mein 2 tola aamle ka safof achi tarah milaya jaye. Is paste ko raat ke waqat balon mein lagaya jaye aur subah uth kar balon ko achi tarah dho leya jaye to chand bar esa karne se bal chamakdar aur siyah ghane ho jate hain. 

Ganja pan ke liye:


 Sar ke bal waqat se phele gir jana jism mein vitamin E ki kami ka isharah karte hain. Is ke liye lemo (lemon) ke tazah chilkon ko pani mein achi tarah koot len aur gharah sa paste bana len. Is paste ka lep mutasirah hisson par Karen. Aik mah ke istemal ke bad ganjpan ka marz jata rehta hai aur naye sire se bal nikalna shuru ho jate hain. Is ke phele lep se balon ke girne ka amal ruk jata hai.  

Motapa ke liye: 


Ye marz dor e hazir ka aam aur khatarnak marz hai jo ke laparwahi ke bais ziyabatis (diabetes), heart problem aur high blood pressure ka sabab banta hai. Faba afdar ko chaheye ke wo garam pani mein aik lemo (lemon) ka ras nichor kar piya Karen. Is se un ke jism mein mojud charbi qudrati tor par kam ho jaye gi aur kisi dosre bemari ke lahaq hone ka khadsha bhi baqi nahi rahe ga. Agar is mein namak aur shaker mila kar piya jaye to badan mein chusti aur mustaadi paida ho jati hai.  

Jigar aur tili ke amraz ke liye:


in amraz mein jism ki rangat pili parh jati hai aur bhook ka lagna bhi kam ho jata hai. Ese mein lemo (lemon) le tukre kar ke in par hasb e munasib namak chirak kar tawe par garam kar len aur din mein 5 martaba chosen. Chand din ke musalsal istemal se ye amraz dam tor dete hain.
Read more related article >>










Copyright 2014 www.desitreatments.com