DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Shahtoot Ke Faide
 
Shahtoot Ke Faide In Urdu

Mulberry (Shahtoot)

 

Mulberry is a fruit. It is very cold in nature and very sweet and juicy in taste. Mulberry is a best cure of acidity in stomach. It controls the tonsils problem. Mulberry has many more qualities in it. It has vitamin A, B and C and fiber, phosphorus, iodine, copper, iron, calcium and potassium. Mulberry has a treasure of vitamin C. It is very useful in constipation, intestine problems, flu, itching or irritation of throat and irritation in urine. In this page you can see the information about Mulberry.

Shahtoot Ke Faide: (Mulberry Benefits In Urdu)

 

Shahtoot Zod hazam ghizaeyat aur shifaai asraat se malamaal hai. Mizaaj sard tar aur maida ise 2 ghante mein hazam kar leta hai. Aik pao mulberry yani shahtoot mein 2 chapatiyon ke barabar ghizaeyat aur aadha kilo doodh ke barabar choney ke ajzaa hote hain. Yeh qudrati qabz kusha aur maide ki acidity ka umdah ilaaj hai. Badan ki mukhtalif ghudodon ke barhne aur waram ko rokne ke liye is ke iodine ajzaa intehai maussir sabit hote hain aur is ke baqaida istemal se tonsils barhne nahi pate. Aaj kal galey barhne ki bemari aam hai. Waram aur sozish se halaq mein kharash, saans lene mein takleef aur bolna dushwar ho jata hai. Shiddat marz mein bukhar aur sir dard khasa pareshan karte hain. Baaz bachon aur ziyada cigarette tobacco peene wale naujawano ke galey mustaqil tauir par barh jate hain aur Doctor is guiltiyon ke operations karwane ke siwa aur koi ilaaj nahi tajveez karte.

 

Yun to is phal mein beshumar khobiyan hain. Maslan maqtar pani, gosht banane wale ajzaa, nishastadar sugar yeh ajzaa, roghni ajzaa, phosphorus, iodine, copper, fiber, calcium, aur potassium maujood hote hain. Vitamins A, B aur D bhi qudrat ne is mein samaa diye hain. Badan par to yeh vitamin C ka to yeh khazana hai.

 

Qadeem yunani hukmaa ki durbeen nigahon ne shahtoot mein shamil vitamin C aur iodine ke ajzaa ko in bemariyon ko door kar ke in ghudodon ki nashonuma ke liye gharelo dawai bana diya hai. Baaz dafa tobacco noshi aur dosri nasha paida karne wali dawaon ki kasrat istemal ya mou mein khushk chezein dalte rehne ya gard o gubhar wale karobar ki wajah se halaq mein 1 murdah zehrili jhilli ban jati hai aur patient ko bolna, nigalna aur saans lena mushkil ho jata hai. Garam khushk areas mein rehne wale baaz mareez khannaq ka shikaar ho jate hain. Mera 50 sala tajurbah hai ke har saal mausam e garma mein mutawatir 2 maah tak mulberry subha ya shaam daily 2 se 4 chitank tak khate rehne se is marz se chutkara ho jata hai.

 

Black mulberry dimaghi kamzori door karta hai, khush maza neend lata aur khoon ki acidity door kar deta hai. Is ke istemal se paththon aur jorhon ki sakhti door ho kar qudrati lachak bahaal ho jati hai. Daimi qabz ke mareez subha aadha pao se aadha sair tak bataur nashta kale shahtoot istemal karen, qabz door aur intestines ka fail durust ho jaega. Garam mizaaj, daimi nazla, gale ki bar bar kharash, ziyada gussa aane wale aur urine mein jalan mehsoos karne wale is mausam mein kisi waqt bhi mulberry baqadar hazam kha kar in shikayaat se nijaat hasil kar sakte hain. Uterus ki garmi wale naujawan subha kashta qalai 2 ratti shahtoot ko laga kar chand roz istemal karne se sehatmand ho jate hain. Nazla, zukaam aur dimaghi thakan ke patient subha is ka nashta kar ke shaam khamira gao zubaan sada 1 tola chand din istemal karen, to bafazla dimagh ki khushki door aur nazla zukaam se bache rahen. Nazla zukaam, barhe pait aur ziyada rone wale ziddi tabiyat bachon ko black mulberry ka pani 1 pao 10 chitank khaand mein mila kar aag par pakaey. Chamche se hilate rahen, josh khate khate jab sharbat ka qawam tayyar ho jae, yani ungli par sharbat laga kar dosri ungli se hilaey aur tayyar shuda se laisdaar chotne lage to sharbat tayyar ho gaya. Aag se utaar kar thanda kar ke bottle mein daal kar rakh len, nazla zukaam aur galey ki kharash door karne aur shiddat e garma se mehfooz rehne aur piyas bhujane ke liye is sharbat mein thanda pani mila kar istemal karna mufeed hota hai.

 

Purane hakeemon ne is ke rub banane ka saddiyon se riwaaj jari kar rakha hai. Rub ki shakal mein hum pora saal shahtoot ke shifa bakhsh asraat hasil kar sakte hain. 3 sair shahtoot ke nichore hue pani mein 4 sair umdah khaand mila kar garhe qawam wala rub tayyar ho jata hai, jo kae kae maah tak thandi jagah rakhne se kharab nahi hota. Jab chahen 1 pao rub mein 10 chitank khaand aur munasib miqdar pani mila kar josh de kar sharbat ke qawam par la kar thanda kar ke rakh len. Sharbat tayyar ho gaya. Daimi nazla, zukaam aur gale barhne wale patients ko subha nashte mein bread ke sath mulberry ka rub laga kar khane ka mashwara deta hon aur shaam ke waqt kushta abrak siyah aik ratti aur kushta 1 ratti khamira gao zuban sadah 1 tola mila kar musalsal chand week istemal karwa ke faida hote dekhta hon.

 

Read more related article >>










Copyright 2014 www.desitreatments.com