DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Fig Benefits
 
Fig In Urdu

Fig (Anjeer)


Fig is basically belongs to Cochin Asian and Middle East. Now it founds in Pakistan and Hindustan also. Fig mostly found in Italy, Turkey, Spain, Portugal, Iran, Palestine, Sham and Lebanon. Chitral and Hunza is a Country of fig. It is a very tender dry fruits in all fruits. The peel, leaves and milk of fig are use in the medicines. 2 types of fig are available. Fig is a very useful for piles, constipation, cough, sputum and swelling of lungs. We should take figs for reduce the obesity. In this page you can see the information about Fig.

Fig In Urdu


Anjeer (Fig)bunyadi taur par mashraqi wastee aur ochin Asian ka phal hai. Yeh ab Hindustan aur Pakistan mein bhi paya jata hai. Magar musalmano ki aamad se qabal is ka suraagh nahi milta. Yeh ziyada tar turkey, Italy, spain, Portugal, iran, Palestine, sham aur Lebanon mein paya jata hai. Pakistan mein chitral aur hunza ka area is ka watan hai.

Fruits mein yeh sab se nazuk phal hai. Pakne ke bad khud bakhud pairh se gir jata hai aur agle din ke liye mehfooz nahi kiya ja sakta. Albatta ise khushk kar ke ziyada arsey tak qabil e istemal banaya ja sakta hai. Anjeer (Fig) ke darakht ki chaal, patte aur doodh medicines mein use hote hain. Is ki 2 aeham qismein dastiyab hain. Aik wo jise log baqaida kaasht karte hain, wo bistani kehlati hai, dosri khudro jangli kehlati hai. Jangli hajam mein choti aur zaiqe mein lazeez nahi hoti, jab ke bistani kaashtkaron ke mukhtalif tajurbaat ke baiys zaiqedaar hogi.

Anjeer Ke Faide :


Anjeer ki behtareen qisam white hai. Anjeer  kidney aur uterus se stone ko hal kar ke nikaal deti hai. Har qisam ke poisons ke asraat se bachati hai. Halaq ki soozish, seene ke bojh, lungs ki swelling mein mufeed hai. Jigar aur tilli ko saaf karti hai. Balghum ko jama nahi hone deti.  Anjeer ko badaam, akhrot aur nariyal ke sath mila kar khaya jae to khatarnaak zehron se mehfooz rakhti hai.

Anjeer ko neharmou khana be had faidemand hai.  Anjeer aanton ke band kholti hai. Pait ki aksar bemariyon mein faida deti hai. Purani balghm wali khansi, purane qabz ko door karne ke liye 5 daney khane chahiye. Jab ke motapa kam karne ke liye 3 daney he kafi hain. Chechak ke ilaaj mein bhi yeh faida deti hai. Piles ko mitati hai aur kidney ke fail ko durust karti hai.

Jadeed Mushahidaat :


 Jadeed research se yeh baat sabit hui hai ke Anjeer (fig) aik mukammal ghizaeyat liye hue aur behtareen phal hai.   Anjeer ke istemal se beshumar bemariyan jarh se khatam ho jati hain. Yeh bhook lagane wali sukoon aawar, jism ko thandak pohanchane wali hai. Anjeer (Fig) ke milk mein ghiza ko hazam karne wale johar papaine ki manind hote hain. Yeh ghiza mein maujooda nishasta ko minton mein hazam kar dete hain.

Fresh Anjeer (figs) ko raat shabnam mein rakh kar kisi mithas aur badamon ke sath agar neharmou khaya jae to yeh mou ke zakhmon, zaban ki jalan aur jism ki hiddat ko 15 din mein thek kar deti hai. Dry Anjeer (fig) ko tawey par jala kar is ki raakh ka manjan bana liya jae aur is se daant saaf kiye jaey to daanton ka mail utar jata hai aur gums ki soozish mein bhi kami waqey hoti hai.

Anjeer aur Bawaseer :



•    “ Anjeer bawaseer ko khatam kar deti hai. ”

•    “ Jorhon ke dard mein anjeer mufeed hai. ”

Jin logon ko piles ki takleef ho, un ko subha neharmou honey ke sharbat ke sath 5 se 6 dabey khushk injeer istemal karni chahiye. Aur jinhe takleef kam aur bad hazmi ziyada ho, un ko har khane se aadha ghanta pehle anjeer khane se faida hasil hoga.

Read more related article >>










Copyright 2014 www.desitreatments.com