DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Dry fruits
 

Dry Fruits


Dry fruits are the best way to gain the energy and health in the whole body. We can use dry fruits in every season. Dry fruits are the best source of nutrients. They have protein, fibers, vitamin E, copper, phosphorus etc. Dry fruits are very useful and healthy for brain and heart. We can use dry fruits in different and cuisines and mostly in sweet dishes. The oil of coconut, almond and peanuts are mostly used in all over the whole world. Almond has full of calcium more than other dry fruits. Peanuts are very common in the whole World. In this page you can see the information about different dry fruits and Benefits In Urdu.

Dry fruits Benefits In Urdu: Dry Fruits Ke Faide In Urdu


Mausam e sarma ki khatak ratein maghziyat ke istemal ke bagher adhori samjhi jati hain, lekin aehtiyat ilaaj se behtar hai. Mukhtalif researches ke bad experts is natije par pohanche hain ke dry fruits sehat o tandurusti hasil karne ka behtareen zariya hain. Har mausam mein in ka munasib istemal beshumar bemariyon aur takaleef se bachao ka baiys hai. Giridaar dry fruits mein protein, fiber, vitamin E, copper, phosphorus ki wafir miqdar hoti hai. Agar gosht aur moong phali ka mawazna na kiya jae to 1 kilo gram moong phali mein 1 kilo gram gosht se ziyada protein maujood hai.

Maghziyaat ko hamesha qudrati halat mein khana, yani kachi halat mein he istemal karna zarori hai. Kache maghaz bohat mehfooz ghiza hote hain. Kyun ke in ke sakht khoal samait lambe arsey tak ba aasani mehfooz kiya ja sakta hai. Chon ke in mein ratobat kam hoti hai. Lehaza kae saal thandi aur khushk jagah par rakh kar istemal kiy ja sakta hai. Dry fruits ka baqaidgi se munasib miqdar mein istemal amraaz e qalb se door rakhta hai.

Dry fruits bachon ke liye bhi be had mufeed hain. Jism ko mazboot aur taqatwar banane mein muaawnat karte hain. Seeds mein aik madda aisa hota hai, jo insane badan mein bemariyon ke khilaf qudrati mazahmat paida karta hai. In mein maujood maadni ajzaa bones aur teeths ko mazboot banate hain. Jism ko chaqo chauband rakhte hain aur muhafiz sehat hote hain.

Kache maghaz mein vitamin B khob paya jata hai, jo dimagh aur aesabi nizaam ke liye faidemand hai. Bhook barhane ke liye behtareen hai. In mein oil ki bohat barhi miqdar maujood hoti hai. Maghaz aksar auqat apne wazan ke nisf oil farahum karte hain aur in mein paai jane wali wafir tawanai ka sabab hote hain. coconut oil pori duniya mein pakane ke liye istemal kiya jata hai. Coconut ka pure oil medicines mein bhi istemal kiya jata hai.

Almond : Badam Ke Faide In Urdu


 Badam (Almond) yani almond mein copper paya jata hai. Copper, iron, aur vitamins ke sath mil kar khoon ke surkh zarrat ki tashkeel ke chemically amal ko tarteeb deta hai. Chunache khoon ki kami ke marz mein almond bohat mufeed ghiza hai.

Tamam maghziyat mein sab se ziyada calcium badam (almond) mein hota hai, jo afraad sabzi khor hain. yani gosht ka istemal apni ghiza mein nahi karte aur dairy masnoaat se bhi allergic hain. Doctors inhe daily muththi bhar badam (almond ) khane ki talqeen karte hain. Badam (Almond)  ki khobiyon ( Benefits ) ka daromadar bunyadi taur par copper, iron, phosphorus aur vitamin B 1 ke tibbi khuwas par hota hai. Yeh chemically ajzaa bahmi taawun ke natije mein tawanai ko munazzam o maussir banate hain. chunache dimagh, aesaab, haddiyan, dil aur jigar ki karkardegi behtar ho jati hai. Dimaghi quwwat rakhne, aesaab ko mazboot banane aur lambi umer ke imkanaat barhane ke liye zabardast ghiza hai. Ayurvedic aur yunani medicines mein banae jane wale tamam tonic is ke bagher nahi banae jate.

Kings college London ke researchers ne yeh daryaft kiya hai ke almond mein shamil fibers, chiknaai aur carbohydrates ke injizaab ko rokte hain. Jis se diabetes ka imkaan ghat jata hai. Is ke ilawa bohat ziyada calories ke bagher be inteha tawanai ki farahmi se almond cholesterol ki satah bhi kam tar rakhta hai.

Badaam Husun ka Zamin :


Doodh ki cream aur fresh rose ki petals ke sath badaam ka paste daily face par lagana aik zabardast beauty aid hai. Yeh jild ko naram, saaf o shaffaf aur purkashish banata hai. Is ka baqaida istemal qabal az waqt jhurriyon ko rokta hai. Skin ki dryness door karta hai. Keel mahasey khatam karta hai aur face tar o taza rakhta hai.

1 tea spoon roghan e badaam, 1 spoon aamla juice mein mila kar sir par massage karna, girte hue baalon, khushki sakri aur qabal az waqt balon ki safaidi ka maussir tadaruk hai. Is ke baqaida istemal se baal ghane ho jate hain. Badaam saans ki bemariyon, kharkharhat wali khansi ke liye karaamad medicine hai. Yaad rahe ke ise hamesha achi tarah chaba kar khana chahiye aur khana khan eke forum bad qatan nahi khana chahiye.

Peanuts : Moongfali Ke Faide In Urdu


 moongfali (peanuts)  Duniya bhar mein dastiyab sab se ziyada nashonuma pane wali ghizaon mein se aik hai. America ke mehakma e zarrat ke mutabiq is mein 5 aeham tareen ghizai ajzaa paae jate hain. yani ghizaai tawanai, protein, phosphorus, thiamine aur niacin. Chunache ghizaai aehmiyat samait peanuts bharpor tibbi afadiyat bhi rakhti hai. Is mein aise oil ki wafir miqdar hoti hai, jo aasaani se hazam ho jata hai. Bakri ke doodh aur sugar ke sath peanuts khana bachon, pregnant ladies aur doodh pilane wali ladies ke liye umdah ghiza hai. Yeh har tarah ke infection ke khilaaf mazahmat karti hai. Bilkhusoos tip diq awwal hepatitis ke liye mufeed hai. Florida University mein ki jane wali aik research ke mutabiq moong phali (peanuts) mein strawberry ki tarah ka aik anti oxidant bohat ziyada hota hai. Is mein poly phenol jise P-Coumaric acid kehte hain, is ki satah bhi buland hoti hai. Jo insane jism ko cancer ke sabab banne wale free ridicules se bachate hain. Kachi ke bajae muththi bhar bhuni hui moong phali (peanuts) khana sehat ke liye muaawin sabit honge. Kyun ke bhunne ke dauran P-Coumaric acid ki miqdar 22 % barh jati hai. Peanuts ke oil ko beauty aid ki hesiyat se bhi istemal kiya ja sakta hai. 1 tea spoon moong phali (peanut) ka clean oil, hum wazan lemon juice mein mila kar daily raat ko sone se pehle face par lagane se face tar o taza rehta hai. Is ka baqaida beroni istemal jild ki nashonuma karta hai aur naujawan faces ko phunsiyon se bachata hai.

Pistachio : Pista Ke Faide In Urdu


Pista ( Pistachio ) yani pista mein 2 aise ghizaai ajzaa maujood hain, jo kisi aur giridaar maiwey mein nahi paae jate. Yeh Zeaxanthi carotenoids aur Lutein hain. jo barhti umer mein nazar ki kamzori ko rokte hain. 100 gram saadhe bhune hue pista mein 571 calories paai jati hain. Pista (pistachio) mein 90 % na jamne wali chiknaai maujood hoti hai. Jis se ache cholesterol ki satah barhti aur heart attack ka imkaan kam ho jata hai. Is mein maujood copper, phosphorus, magnesium, aur vitamin B se jism ka madafati nizaam mazboot hota hai. Is mein aise anti oxidant ajzaa hote hain jo chiknai mein absorb ho kar lipid peroxide jaise takleef dey chemical components se bachte hain. Diabetes ko qaboo mein rakhne ke liye bhi pistachio istemal kiya ja sakta hai.

Pine Nuts : Chilgoza Ke Faide In Urdu


Chilgoza 100 gram pine nuts yani chilgoza mein 673 calories paai jati hain. yeh pinoleic acid farahum karne ka wahid qudrati zariya hain, jo bilkhusoos khuwateen ke hormones ke afzaiysh mein madad deta hai aur in ki bhook kam karta hai. Sardiyon ke mann pasand ghiza pine nuts har umer ke afraad ke liye mufeed hai. Yeh beshumar bemariyon ka ilaaj samjha jata hai. Is dry fruit mein oleic acid ki miqdar bhi khob paai jati hai. Yeh na jamne wali wo mufeed chiknai hai jo hamare jism se zarar rasaa trigly cerides naami chemical components ko khatam kar ke jigar ko qawi karte hain aur is se dil ko bhi tawanai milti hai. 1 ohz pine nuts ke maghaz mein 3 mg iron hota hai. Jaisa ke hum jante hain ke iron khoon ke surkh khulliyat ka aeham tareen juzo hota hai jo jism ke tamam khulliyat ko oxygen aur tawanai farahum karta hai. Is mein magnesium ki bhi bohat barhi miqdar maujood hai. Chilghoza ka munasib miqdar mein baqaida istemal thakawat aur zehni pareshani se mehfooz rakhta hai. Yeh depression se nijaat ka maussir ilaaj hain.

Sesame : Til Ke Faide In Urdu


Til (Sesame) mein beshumar khobiyan paai jati hain. in ki 3 iqsaam hoti hain. yeh black, white aur red color mein paae jate hain. Black til (sesame) mein se hasil hone wala oil sab se behtar aur medicines ke liye mauzoo hota hai. White sesame mein calcium ki miqdar ziyada hoti hai. Chunache jism mein calcium ki kami mein in ka baqaida istemal soodmand rehta hai. Red til (sesames) mein khob iron maujood hota hai. Til (Sesame) skin ko soft karte hain. In mein paya jane wala madda jild ko taskeen deta hai aur androni taur par paida hone wali kharash ko khatam kar ke sukoon pohchata hai. Til (Sesame)  ki deegar khobiyon mein behtar nashonuma karna, haiz jari karna, ajabat lana, peshan barhana aur jism ko tawana karna hai.
Read more related article >>










Copyright 2014 www.desitreatments.com