DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us
Benefits of Soap Nut ( Reeth)
 

Benefits of Soap Nut


Soap Nut is commonly known as reetha. It is a very famous herb. Soap nut is use as soap for our hairs. It is a natural soap. Soap nut is an effective aid. We can make tea for gargling and throat problem. Here we gave you some simple tips and cures from soap nut ( Reetha ). Soap nut is useful for the patient of epilepsy. It is a best antipoison. In this page you can see the benefits of Soap Nut ( Reetha ). 


Reetha Ke Fayde :


Khannaq yeh barha mohlik marz hai. Is se mareez ke achanak marr jane ka pora khata hota hai. Khannaq ke liye reetha dawai nahi, karamat hai. Mareez ke halaq mein kuch atka hua maloom hota hai aur halaq mein se aik ghoont pani nahi guzar sakta. Soap nut aik tola ko khot kar ya josh de kar mareez ko ghararey karwae. Agar mareez behosh parha hua ho to pani reetha ka bana hua mou mein daal kar dosra shakhs is ke sir ko hilaey, 2 he minute mein patient uth bethega. Tursh aur bojhal ashiya, lassi achaar waghera se parhaiz saagodana aur khichdi ghiza hai. Soap nut ka chilka achi tarah pees kar saaf karen aur sharbat e shehtoot aamaiz kar ke dana bajra ke barabar tablets banaey. Har roz aik tablet subha aik shaam ghee ya balaai se khilaey. Khannaq ke ilawa khanazeer aur zehar bad ke liye bhi mufeed hai. Maghaz takhum reetha ka safoof banaey aur is mein se 9 masha daily subha arq e saunf ya gaao zaban se den, asthma mein araam hoga. Reetha 4 masha aadha pao pani mein bhigo kar jhaag uthaey aur phir chaan kar pilaey. Purane daston mein mufeed hai.


Poast reetha aik sair, pani 3 sair, pehle poast reetha ko khoob bareek pees kar paani mein mila kar ubaalna shuru karen. Jitne jhaag aate jaey, utaar kar cheeni ki plate mein lete jaey. Jab jhaag aane band ho jaey, to us jhaag ko dhoop mein khushk kar len. Yehi sut reetha hai jo akseer mar gazidah hai, khuraak sirf 2 ratti.


Saanp katey ka ilaaj poast reetha baqadar 9 masha pani mein khoob achi tarah ghot kar aur neem garam kar ke mareez ko pilaey. Thori dair mein qey hogi, phir pila den, jab tak zehar bazariya qey kharij hota rahe, pilate rahe, Taryaq hai. Maweshi ko saanp das le to safoof reetha aadha pao pani mein ghot kar naal ke zariye pila den, chand khuraak men zehar bilkul utar jaega.


Bicchu se bachao agar poast reetha ko pani mein pees kar ghar mein chirak diya jaey, to bicchu hargiz ghar nahi aata, wo is ki bou se bhagta hai. Jo shakhs roti khane se peshtar 2 ratti safoof poast reetha ko istemal karte rahen, un par zehar asar nahi karta. 
 


Is ka pani peene se zehar qey ke zariye door ho jata hai. Is ke pani ke niswar lene se sir ke amraaz door ho jate hain. Reetha maqwi maida, jigar o aasaab hai, zehriley janwaron ke kaatne ka aala taryaq hai, ziyada miqdar mein girani paida karta hai. Reetha sputum yani balgham paida karne wala qey aawar dast aawar aur karam kash, asthma o amraaz shakam ke liye saqmonia ke hamrah munasib miqdar mein mila kar jullab diya jata hai, hysteria ya epilepsy, har qisam ki behoshi mein is ki niswar dene se forum hosh aa jata hai. Zehriley janwar ke kaatey par lagana nihayat mufeed hai. Poast maghaz reetha 5 masha ilaichi khurd 6 masha gul e surkh 3 masha, niswar tayyar kar len, bataur niswar len aadha sir dard door ho ga.



Epilepsy ke patient ko attack ke waqt sirf reetha pees kar sunghaey to use forum hosh aa jana hai, epilepsy ke patient ke galey mein reetha latkana bhi faidemand sabit hota hai.
 


Soap nut ke chilkey ko koot kar baraber gurh shamil kar ke chote bair ke baraber tablets tayyar karen. Chand luqmey khila kar 1 tablet subha ke khane aur 1 tablet raat ke khane ke bad den. 3, 4 din ke andar dard door hoga, musalsal istemal se laqwah se chutkara hoga.
 


Jis bache ki aankhein neeli hon, un ko siyah banane ke liye reetha ko jala kar roghan e zaitoon mein mila kar bacha ki khopri par lagaya karen, to aankhein siyah ho jaengi.

 

Read more related article >>










Copyright 2014 www.desitreatments.com