DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Benefits of Dates
 

 Benefits of Dates

Dates are a common tree. It length is 30 meter almost, and age of this tree almost 150 years. The leaves, stem, roots and branches, all things of the date tree is very useful. It is cultivated in America and Asian Countries mostly. South Africa is also a home of dates. The dates of Khairpur, Multan and Dera Ghazi Khan are very famous in all over the Pakistan, but it is provided in all four provinces. Dates are very healthy for our health; it is very healthiest dry fruit. We should take daily 2 dates in early morning with milk. In the last of this page we give you the advantages of dates. Dates are very delicious and useful dry fruit. Dates gain the blood in our body. Dates are very energetic dry fruit. It gives energy to liver. In this page you can see the information about  Dates and Benefits of Dates In Urdu.

Dates Information In Urdu.

Date yani khajoor aik aam darakht hai, jo mashraqi waste, America aur Asian Countries mein kasrat se paya jata hai. South Africa bhi khajoor ka he ghar hai. America mein California ki dates barhi lazeez aur maqbool hain. Pakistan mein dates ke liye Khairpur, Multan aur Dera Ghazi Khan ke ilaqey agarcha ziyada mashoor hain, magar yeh charon sobon mein milti hai. Bal ke sobaa sarhad mein agarcha kam hoti hain magar in ka meyar bohat umdah hota hai.

Dates ka darakht bunyadi taur par garam areas mein hota hai. Yeh un ilaqon mein bhi phal deta hai, jahan pani kam ho. Lambai mein 30 meter tak chala jata hai. Magar ab is ki choti qisam bhi kaasht ki ja rahi hai. Is ke barey mein kaha jata hai ke is ka sir dhoop ki wajah se aag mein aur pair yani roots pani mein hoti hain. Garam areas mein zer e zameen pani ki satah neechi hoti hai. Is liye khajoor ke darakht ki roots barhi gehri aur lambi hoti hain. Ta ke yeh door door se apne liye pani aur tawanai hasil kar saken magar yeh aise areas mein bhi paai jati hain, jahan pani 6 ft par maujood hota hai.

Khajoor ka darakht jins ke lihaz se muzakkar aur maunnis hota hai. Muzakkar ko phal nahi lagta, jab ke us ke daney maunnis ko baar aawar karne ke liye hawa ya baghbano ki koshish se pohanchae jate hain. Phal shaded garmi mein lagta hai. Jo chatton ki shakal mein hota hai. Aik darakht ki oosat umer 150 years hai. Is ka koi bhi hissa bekaar nahi. Patton se tokriyan banti hain. Stem imaarti woods ke taur par kaam aata hai. Branches chairs banane aur jalane ke kaam aati hain.

Khajoor ka darakht duniya ke aksar mazahib mein muqaddas mana jata hai. Musalmano mein aehmiyat ki inteha yeh hai ke NABI AKRAM S.A.W.W. ne darakhton mein se aik darakht ko musalman kaha, kyun ke yeh sabir o shakir aur ALLAH PAK ki taraf se barkat wala hai.

NABI AKRAM S.A.W.W. ne fermata : “ Jis ghar mein khajoor ho us ghar wale kabhi bhoke nahi rahenge… ”

Khajoor ke Fawaid (Benefits of Dates In Urdu):

Khajoor ko raat bhar bhigo kar rakh den aur subha is ka pani istemal karen. Yeh pani jism ki ghaleez ratobaton ko khushk karta hai. Maidey ko taqwiyat deta hai. Mou ke zakhmon ko mandmal karta hai. Khaas taur par gums ki soozish mein mufeed hai.

Phalon mein khajoor mumtaz hesiyat rakhta hai, kyun ke yeh jism ke har hisse ke liye yaksan taur par mufeed hai. Is ki islaah ke liye shikanajabeen ziyada maussir hai. Jab ke dosre zaraey batate hain ke khajoor ke zaili asraat ko door karne ke liye is ke sath badaam aur khashkhash ka istemal ziyada mufeed hai. Yeh zakhmon ko mandmal karti hai. Isha’al ko door karti hai. Yarqan ke liye behtareen hai. Pitte aur jigar ke fail ko durust karti hai. Sanober ke seeds ke sath khajoor jigar ke liye mazeed maqwi ho jati hai. Yeh jismani kamzori ko door karti hai, lekin jis ki aankhon dukhti hon, use is ke istemal se parhez karna chahiye. Na he use grapes, kishmish ya munaqqa ke sath khana chahiye.

Khajoor ke darakht se aik qisam ka gond nikalta hai. Jo beroni choton ke liye mufeed hai. Is ke stem mein cut lagae to aik meetha aur khushbodar rus nikalta hai. Fresh juice to barha lazeez hota hai, magar aik din guzarne ke bad is mein khameer aa jata hai aur yeh nasha aawar ban jata hai. Khajoor ki guthli jala kar daanton par mali jae to mou ke taffun ko door karti hai. Daanton se mail utaarti hai. Har qisam ke behte hue khoon ko rokne ke liye is ki raakh lagana mufeed hai. Yeh zakhmon ko saaf karti hai. Khajoor khana quwwat ka baiys hai. Jigar ko taqat deti hai. Kamzori se paida hone wale safra ke liye mufeed hai. Khajoor ka gooda aur chirhchute ki root pees kar pani mein rakh kar khane se sardi lag kar aane wala bukhar toot jata hai.

Khajoor ki root ya leaves ki raakh se manjan karna daanton ke dard ke liye mufeed hai. Raakh ke bajae agar in ko pani mein paka kar us pani se kulliyan ki jae to bhi faidemand hai.

Read more related article >>










Copyright 2014 www.desitreatments.com