DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Akhrot Ke Fawaid
 
Walnut Benefits In Urdu

walnut  (Akhrot)

Inside the hard shell of walnut white cord is hidden. It does away digestion, it is excellent for cholesterol patients and cough is removed from it. Walnuts are cultivated in Iran, Afghanistan and India. It has many vitamins and salt in it. In this page you can see the informantion and benefits  of walnut in Urdu ( Akhrot  Ke Fawaid, faide).

 

Akhrot

 

Akhrot  (walnut ) ke darakht Iran, Afghanistan aur Hindustan ke paharon par bakasrat paye jate hain. Hindustan mein koh e Himaliya par Kashmir se Manipur tak bakasrat milta hai. December se March tak naye patte lag kar guche ki shakal mein naye phool lagte aur July mein phal lagne shuru ho kar October tak pak jate hain. Maghaz akhrot 2 tola se 3 tola tak hasb e bardasht istemal kiya ja sakta hai.

 

Walnut Benefits In Urdu ( Akhrot Ke Fawaid)

 

Maghaz Akhrot Bator Dawa:

 

Maghaz akhrot bhuna howa, rabil sos, maghaz badam shereen, maghaz kadu shereen, nashasta, gond, kikar, behdana sab barabar wazan le kar shehad e khalis mein sab dawaein pees kar chane ke barabar goliyan banal en, aik aik goli munh mein rakh kar chosen, har kisim ki khansi aur gale ki kharish ko khatam karti hai. Dame ke mariz ko bhi mufeed hai. Maghaz akhrot ko munaqa, badam aur injer wagherah ke sath khana maqwi aza e raisa hai, dimagh ke leye khas tor par taqwiyat bakhash hain. Shehad, piyaz aur namak ke sath akhrot pees kar dewane kutte ke kate par bandh den, zehar dor ho ga. Roghan e akhrot ke leye tazah akhrot ke maghaz ko barik kot kar garhe kapre ki theli mein bhar kar shikanja mein dabayen, safed, patla aur metha tail nikal aye ga. Aghar ziyadah tail nikalna ho to 10 seer maghaz akhrot len 8 seer kolho mein pelen. Jab wo barik pis kar tail chorne lagen to baqi 2 seer maghaz bhi dal den. In kea dh pisa hone par seer bhar misri ke barabar tukre kar ke dal den ta ke mail ta nasheen ho kar tail saf ho jaye. Sardi ke bais asab mein dard ho to is tail ki malish se asab naram ho jate hain aur dard dor ho jata hai. Is tail ke sar mein lagane se juein mar jati hain. Ese nak mein surakne se laqwa, falij aur tashanaj se nijat milti hai. Is ka lagana dad wagherah mein mufeed hai.

 

Post Akhrot Bator Dawa:

 

Akhrot (walnut ) ke uper ka sabz chilka utar kar saye mein khush kar lejiye. Barik pees kar manjan bana lejiye. Danton par malne se dard kafor ho jata hai. Tazah akhrot le kar beroni sabz chal 1 chintak, phitkari safed 3 masha, roghan e banola 2 chintak in sab ko mila kar aik chini ke bartan mein dalen aur bartan ko ubalte howe pani ki degchi par rakh den. Hata ke akhort ki chal ka tamam pani roghan mein khushk ho jaye. Ab utar kar nichor aur filtar kar ke rakh len.

 

Akhrot Ka Istemal Aur Faide:

 

Ba waqat e zarorat balon mein kanghi se lagayen bal siyah ho jayen ge aur asli qudrati balon ki manind nihayat mulaim aur chamkele bhi ho jayen ge.

 

Mahiyat:

 

Aik bare aur unche pahari darakht ka mashhor phal hai. Phal gol aur un ke uper sabz chal hoti hai. Is leye chil dalne par undar se sakht guthli nikalti hai jise akhrot kehte hain chilka sakht aur khurdura. Is mein roghan aur protein ki miqdar bohat ziyadah hoti hai. Rang safedi mail bhora, maghaz safed, zaiqa phika magar laziz aur muraghan, mizaj garam aur dosre darje mein khushk terse darje mein. Muqam e padiaish koh murree aur balochistan ka pahari elaqa, Iran, Afaghanistan aur Koh e Himaliya par Kashmir se Manipur tak pahari elaqe mein ba kasrat paida hota hai.

 

Miqdar khurak Istemal:

 

2 tola ya 3 tola, masleh tarshiyan, afaal o istemal, latif, milan, mehbi aur mehlal. Badhazmi ko rafa karta hai. Radi mada ko tehlil karta hai. Bah ziyadah karta hai. Maghaz akhrot ko ziyadah tar maqwi bah majonaat mein shamil kar ke istemal karte hain. Bhona howa maghaz sard khansi ko mufed hai. Bhala toh ka maslah hai. Hamrah aab o mord ke khoon bawasir ko rokne mein mujrib hai. Surma is ka khujli, ankh se pani behne aur basal ko mufed hai. Agar chaba kar lagaya jaye to dad par lagane se dad nishan mit jata hai. Maghaz akhrot ko pani mein pees kar zamad karna chot ke nishan ko mita deta hai, is ka tail beroni tor par eczema par bhi lagate hain sabz post akhrot danton par malna masorhon aur danton ko mazbot karta hai. (ghair sami) garam, garmi aur balgham ko barhata hai. 5, 7 se ziyadah aik waqat mein nahi khana chaheye warna garmi ka ghalba ho kar munh mein chale par jate hain. Gale mein kharish hone lagti hai. Badhazmi ho jati hai. Had hai andar gahe bagahe istemal karne se (aza e raisa) dimagh aur bah k taqat pohanchti hai. Charbi ziyadah barhti hai. Bachon ko 1, 2 akhrot sham ke waqat khila dene se mamoli chamone ki shikayat dor ho jati hai.

 

Read more related article >>










Copyright 2014 www.desitreatments.com