DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us

Notice: Undefined index: name in /home/desitre/public_html/viewpost.php on line 53
Benefits of Carrot
 
Carrot benefits Image In Urdu

Carrot (gajar)

Carrot is a very famous fruit. It is red in color and long in shape. We can make juice of carrot also. It is very healthy for our health. Carrot has calcium, potassium, sodium, iron, phosphorus and carotene. It is hot in nature. Carrot is a very energetic vegetable. It gives the energy to our blood, bones and whole body. In the end of this topic, we gave you some simple tips and recipes. We can make sweet dishes of carrot with different dry fruits. It is used in different cuisines also, mostly in Chinese foods such as spaghetti, macaroni, fried rice, chow mien etc. we can use carrot in different salad with cucumber, radish, tomato, beet root, onion etc. In this page you can see the information and  benefits of carrot  In Urdu (gajar ke fayde, faide, fawaid , Hindi and Roman Urdu .

 

Gajar Ke Faide In Urdu: ( Carrot Benefits In Urdu)

Carrot yani gajar 1 famous tarkari hai. Jo 4, 5 maah tak hamari ghizaai zarooriyat pori karti rehti hai. Yeh aik susti khush zaiqa sabzi hai. Jis mein qariban 20 % fibers shakrile gosht paida karne wale aur roghni ajzaa calcium, potassium, sodium, iron, phosphorus, carotene aur 80 % masfa pani hota hai. Yunani tabeeb is chez ko jo apni kefiyat se badan mein asar kar ke bahar nikal jae. Dawa aur jo apne maddey se badni parwarish kare. Ghiza aur jis ki shakal dekhne se badan ko tazgi, farhat aur bemari se shifa hasil ho. Zul khasa ke naam se pukarte hain. Ahsan ul khalqeen ne gajar jaisi mamooli sabzi ko dawai, ghizaai aur zul khasa 3 khasiyatein ataa farma den. Gajar ka mizaaj garam tar hai aur yeh 3 hours ke arsey mein maidey se nikal jati hai. Kamzor maide wale ise 4 ghante mein hazam kar lete hain.

 

gajar  ke khane se na sirf bhook mit’ti hai, bal ke daanton ki exercise bhi ho jati hai. Carrot mein vitamin C bakasrat hone ki wajah se maide ki ratobat ziyada tarawish pani aur is ki satah mein ruke hue ghizaai fuzlaat bhi intestines ki taraf chale jate hain. Gajar intestines ki harkat dodiya ko tez karti hai. Is liye daimi qabz ka behtareen ilaaj hai. Is se urine khul kar kharij hota hai. Is liye uterus kidneys ya joints mein Jamey hue zaehrile fuzlaat aur uric acid kharij ho jane ki wajah se yeh kamar aur joints ke dard mein faidemand hai. Jigar ki garmi ko zaiyl karti hai aur dil ke amraaz ki to yeh khaas dawa hai.

 

Atbaa ise dil ki taqiwyat ke liye apple ka qaiym maqam qarar dete hain. Carrot, milk aur thori miqdar mein rice ka gajrela bana kar subha aik umdah lazeez aur vitamins se bharpor nashte ka kaam deta hai. Is ka murabba aik umdah mithai ke ilawa badan ki ghiza dil ko taqat aur jigar ki garmi rafaa karta hai. Wo naujawan jin ke hath pao jalte hon, gussa ziyada, rang zard aur jigar kamzor ho, un ke liye subha kushta iron aik se 4 ratti tak lassi yaad he ke sath aur shaam 3, 4 baje pao bhar doodh mein 1 carrot ka pani mila kar chand roz istemal se faidemand sabit ho sakta hai. Kamzor dil, khoon ki kami aur jald thakk jane wale ashaab doodh aur gajar ke pani ke sath kushta sadaf murwarid 2 ratti tak ya jawahir mohra 1 chawal bhar hafta 2 hafte tak istemal kar ke faida hasil karen, tabkheer aur gas wale mareez jin ka hazma kamzor, pait barha hua, urine thora aur uphara rahe aur subha jawarish 6 mashey se 1 tola tak arq badiyaan, doodh ya tea ke sath aur khana khane ke bad dono waqt zeera siyah haleela siyah, namak siyah aur badiyan hum wazan le kar safoof bana kar 1 se 4 mashey tak khaya karen aur shaam 3, 4 baje darmiyani gajar 3 se 5 adad, mooli 1 adad aur sabz dhanniya 6 mashey kha len ya in ka pani nikaal kar pee len. INSHA’ALLAH chand hafte ke andar sehatyab honge.

 

Vitamin B ke baiys barhne wale bachon ke liye carrot aik umdah maqwi ghiza hai, daant nikaalne wale bachon ko is ka pani 1 tea spoon se 8, 10 spoon tak pilana maqwi mashroob ka kaam deta hai. Dast rokne aur ba aasani daant nikaalne ke liye is ke pani mein baraber wazan chone ka pani mila kar din mein 4, 5 martaba 1, 2 tea spoon ke baraber pilana marooj gripe waters se sasta aur umdah ilaaj hai. Vitamin E ki wajah se yeh aam kamzori ka bhi umdah ilaaj hai.

 

Mizaaj garam tar hai aur maida ise 2, 3 hours mein hazam kar leta hai. 1 pao gajar mein 2 pao doodh ke baraber calcium aur 1 barhi roti ke baraber ghizaeyat hoti hai. Aadha kilo wazan mein kha lenen se aik waqt ke khane ka umdah badal ho jata hai. Gajar qabz kusha aurumdah peshab lane wali ghiza aur dawa hai. Purane hakeem saddiyon se is ke badan parwar aur shifa bakhsh asraat se waqfiyat rakhte hain. Inho ne is ko murabba, achaar, gajrela aur halwa ki shakal mein riwaaj de kar dukhi insaano ki qabil e qadar khidmat anjaam di hain. Gajar ke maidey mein dakhil hone par is ki hazim ratobaat ziyada miqdar mein tarawish paati hain. Yeh maidey ki tezabiyat aur jalan ka aik umdah qudrati ilaaj hai. Dil ko taqat dene aur garmi door karne ke liye to bache jawaan aur borhe sab shauq se is ka murabba istemal karte hain. Aak kal Pieria ka marz aam hai. Kachi gajar khane se gums mazboot aur daant saaf ho jate hain. Daanton ki warzish hone ke ilawa carrots mein shamil calcium ke ajzaa gums aur teethes ke liye aik umdah ghiza sabit hote hain. Is ke kasrat se khate rehne se mou pakne ko bhi araam aa jata hai. Naujawano ko amoman hath, pao jalne, ziyada gussa aane, sur ghomne aur peshab mein jalan ki shikayat rehti hai. Umer aur jism ke mutabiq 5 se le kar 11 carrots ka pani nikaal kar pao, 2 pao thande doodh mein mila kar subha 10, 11 baje ya shaam 2, 3 baje chand din istemal karne se yeh shikayatein door ho jati hain. Aaj kal sardiyon mein baaz naujawano ko dhoop mein ghanta, aadha ghanta khare hone par badan mein kharish, garmi aur bachaini mehsoos hone lagti hai.

 

 Inhe 1, 2 ratti kushta qalai ke sat hoper likhe hue tariqe par carrots ka pani aur doodh mein istemal kar ke faida uthana chahiye. Quwwat yaddasht mazboot karne jigar ki kamzori door karne aur badan mein taqat aur chone ki miqdar barhane ke liye aik sair gajar, aik sair doodh, 21 adad maghaz badaam, 5 adad choti ilaichi, 1 chitank chawal aur hasb e mansha khaand se gajrela bana kar subha bataur nashta istemal karne se 40 din mein badan mein ghazab ki taqat ho jati hai. Borhe aur thande mizaaj wale gajrela ki tayyari par 1 , 2 eggs bhi mila sakte hain. Yarqan kaisi sakht bemari hai aur aksar muaalij is se ghabra jate hain. Hamare scientist yunani hakeemon ne gajar jaisi mamoli sabzi se kanji bana kar yarqan ka ilaaj tajveez farma diya.

 

 Asia bhar mein saddiyon se carrots se kanji banana ka riwaaj jari hai aur aaj bhi hamare kano mein jigri garmi door karne wali kanji ke narrey sunai dete hain. Yarqan yani jaundice mein rewand cheeni, naushadar, safaid zeera, qalmi shora baraber wazan, safoof bana kar mareez ki taqat ke mutabiq 2 se 6 mashey tak subha shaam kanji ke aashe se aik glass ke sath aik 2 hafte istemal karne se bafuzla sehat ho jati hai. Gher mulki medicated companies ke propaganda se aam kamzori door karne aur meaadi bukharon mein taqat bahaal rakhne ke liye Glico D ka barha charcha hai. Is ki kharidari se kae lakh rupey ka zarr e mubadla kharch ho raha hai. Hamari awaam is ghalar fehmi se grapes ki khaand samajh rahe hain. Mere tajurbey mein gajar ka murabba ka sheera umer ke mutabiq 1 se 10 toley tak pani mein mila kar piya jae to girti taqat bahaal rakhne ke liye glucose se kae hisse ziyada faida hota hai. Pregnant ladies mein dil ki taqat, dard kamar aur qabz door karne ke liye gajar ka murabba ya gajrela istemal karne se aik umdah zod hazam ghiza hone ke ilawa badan mein chone ki matloba miqdar bhi hasil ho jati hai. Is ki kasrat se istemal karne se kamar hamesha mazboot rehti hai. Is besh qeemat susti sabzi ko wafer miqdar mein istemal karne wale jawan, jafakush, mazdoor tabqa aur mehanti log apne andar saal bhar ke liye bemariyon se bachne ke liye quwwat e madafat ka zakhira jama kar sakte hain.

 

Read more related article >>










Copyright 2014 www.desitreatments.com