DesiTreatments

  Desitreatments Health Articles in Roman Urdu
Home | Beauty Tips | Health Tips | Desi Totka | Fruits | Vegetables | Dry Fruits | Spices | Others | Homeopathic Home Treatment | Sitemap | Contact Us
Turnip (Shaljam)
 

Turnip

Turnip is a treasure of vitamin C according to the advance research report. It is hot and watery in nature. Turnip is very useful for diabetic patients. It is the famous vegetable of sub continental. Turnip is available in winter season mostly. It is cultivated in the month of August and November and also July. Turnip is a root. It has vitamin A, B and C and more quantity of fiber in red turnip. We can make turnip with different vegetables and meat also. Turnip is very energetic for eyes and brain. It is very beneficial for cough with sputum. We can make pickle of turnip with different vegetables. In this page you can see the information and benefits about turnip In Urdu (shaljam Ke Fawaid) In Roman Hindi.


Turnip Benefits In Urdu ( Shaljam Ke Fawaid):
 

Turnip Taseer ke lihaaz se garam tarr hai. Bemariyon ke liye mutaadil, halki aur zoad hazam hai. Agarcha is mein nashasta bilkul kam hota hai, lekin is ke bawajood hararat bakhsh hai aur diabetes ke patients ke liye bohat mufeed hai.

Turnip ka shumar barr e sagheer ki famous vegetables mein kiya jata hai. Yeh wahid sabzi hai. Jise khane ke ilawa chirane ke liye bhi istemal kiya jata hai, kyun ke is ka dosra naam gonglo bhi hai aur gonglo aehmaq shakhs ko kehte hain. Yeh sabzi mausam e sarma mein dastiyab hoti hai. Is ki kaasht August aur November ke ilawa July mein bhi ki jati hai.

 
Turnip yani shaljam aik root hoti hai. Rangat safaid, magar jis turnip ka color surkh hota hai. Is ka sirf beroni chilka surkh hota hai. Andar se yeh hamesha safaid hota hai, ise kacha bhi khaya ja sakta hai aur paka kar bhi, baaz gharano mein boil kar ke bhajjiya bana li jati hai. Jab ke baaz log ise gosht ke sath paka kar khate hain. shaljam (Turnip) jitni ziyada dair tak halki aanch par pakta rehta hai, utna he lazeez hota hai. Albatta ziyada dair tak aanch par pakane se is mein maujood vitamin waste ho jate hain. Gosht aur turnip yani shaljam ko mila kar raat bhar nihayat halki aanch par pakate rahen, is dish ko shab daigh kaha jata hai. Yeh barhi lazeez dish hoti hai. Albatta is mein ghizaeyat kam ho jati hai. Vinegar ke sath boil hue turnip bohat mazaidar lagte hain. Doodh ke sath is ki feerni bhi tayyar ki jati hai.

Shaljam qabz kusha, madarbol aur zoad hazam hota hai. Dimagh aur beenai ko taqwiyat deta hai. Ise khane se liver ka fail ka durust aur taiz ho jata hai. Bhook lagti hai. Peshab aawar hone ki wajah se pathri kharij karta hai. shaljam (Turnip) ka istemal se khoon saaf rehta hai aur naya khoon paida hota rehta hai. Ise kacha khane se beenai barhti hai. Bemariyon ke liye yeh nihayat halki phulki ghiza ke taur par bhi istemal kiya jata hai, kyun ke yeh bohat jald hazam ho jata hai.

shaljam (Turnip) sputum kharij karne ke baiys khansi mein mufeed hai. Is mein ghizaeyat bohat ziyada hoti hai. Is ka pickle yani achaar bhook barhta hai. Is ki ghizaeyat hasil karne ke liye yeh zaroori hai ke ise naram aanch par kam pani daal kar pakaya jae taa ke is ke sehat bakhsh ajzaa aur vitamin waste na hon. In ko paka kar pani nahi phenkna chahiye, kyun ke pani mein pakane ke dauran is ke ghizaai ajzaa hull ho jate hain.

shaljam (Turnip) ke seed surkh siyah hote hain aur har lihaaz se shaljam ke muqabley mein is ke seed ziyada taqatwar asraat aur khuwaas ke hamil hote hain. Yeh behtareen maqwi baah hote hain. Peshab aawar hone ke ilawa khansi mein bhi mufeed hote hain. Yeh face ke color ko nikhaarte hain, isi wajah se ubtano mein is ka istemal bakasrat kiya jata hai.

Jadeed research reports ke mutabiq shaljam (turnip) vitamin C ka khazana hai. Is mein baik waqt 3 vitamins hote hain. Yani vitamin A, B aur C. Chote bachon ko vitamin C ki tablets istemal karane ke bajae turnip ka juice istemal karana chahiye. Is tarah wo vitamin C ki kami se hone wale amraaz se mehfooz rahenge.

shaljam (Turnip) ke leaves mein vitamin A bhi paya jata hai. Is liye beenai ki kamzori door karne ke liye is ka istemal mufeed hai. Jism mein maujood gher zaroori ajzaa aur fasid maddon ko kharij kar ke khoon ko saaf karta aur kidneys ko taqat deta hai.
Peshab aawar hone ki wajah se phosphate ki pathri hull kar ke urine ke raaste kharij kar deta hai. Qabz kusha hone ke baiys piles ke marz mein mufeed hai. Is ka istemal mausami khansi ka shafi ilaaj hai.

Red turnip mein fiber ki miqdar ziyada hoti hai. Vitamin A ki maujodgi ke baiys yeh aesaab ko taqwiyat deta hai aur jildi amraaz dafa karta hai. Is ke istemal se jism ki quwwat madafat barh jati hai. Turnip ki afadiyat ke baiys saal bhar istemal karne ki gharz se is ka pickle aur murabba dala jata hai, jise saal bhar mazey se istemal kiya jata hai.

Read more related article >>










Copyright 2014 www.desitreatments.com